MRes
Ymchwil Clinigol Cymhwysol

• Mae Gwyddor Biofeddygol yn cael ei haddysgu gan estaff academaidd a chlinigol proffesiynol brwd mewn labordai modern, eang a leolir yng Nghanolfan Ymchwil Clinigol Gogledd Cymru sydd newydd ei sefydlu, yn Wrecsam ac ym Mhrifysgol Glyndŵr Wrecsam.
• Mae addysgu a dysgu yn cynnwys amrywiaeth o ddulliau gan gynnwys darlithoedd, seminarau, sesiynau ymarferol yn y labordy, trafodaethau grŵp a chyflwyniadau.
• Mae gwaith arbrofol yn rhan annatod o'r rhaglen. Mae'r staff academaidd a chlinigol yn ymchwil-weithredol, ac yn ymdrechu'n barhaus i hyrwyddo ymchwil mewn meysydd gwyddorau biofeddygol a chlinigol, lle maent yn cyhoeddi eu darganfyddiadau ymchwil yn rheolaidd ac yn trafod eu gwaith mewn cynadleddau cenedlaethol a rhyngwladol.
• Mae dysgu cyfunol yn nodwedd o'r cwrs hwn sy'n galluogi myfyrwyr i deithio ar gyfer elfen ddysgu'r cwrs heb orfod ymrwymo i fyw yn Wrecsam neu'r ardal yn llawn amser. Mae pob modiwl ar ffurf pecyn dysgu sy'n cynnwys bloc tri diwrnod o addysgu wyneb yn wyneb wedi'i ategu gan ddysgu ar-lein. Mae'r dull hwn yn cael ei ffafrio gan gyflogwyr sy'n dymuno rhyddhau eu gweithwyr i astudio tra'n dal i ddiwallu anghenion y gwasanaeth.

Mae'r rhaglen hon yn cynnig cyfle ar gyfer addysgu a dysgu manwl ym mhob un o'r prif ddisgyblaethau sy'n cwmpasu Gwyddor Biomeddygol, yn ogystal â fframweithiau rheoleiddio cyfredol, technoleg gwybodaeth a chyfathrebu a dulliau ymchwil. Bydd yr addysgu a'r dysgu yn canolbwyntio ar gemeg glinigol, y celloedd a'r histopatholeg, hematoleg a thrallwysiad yn ogystal â microbioleg ac imiwnoleg.

Modiwlau

• Dulliau ymchwil (20 credyd)
• Archwilio'n feirniadol arfer proffesiynol yng nghyd-destun iechyd a chymdeithas (20 credyd) 
• Meddygaeth glinigol: patholeg clefydau (20 credyd)
• Prosiect Ymchwil (120 credyd)

Bydd y rhan fwyaf o'r modiwlau yn canolbwyntio ar ddeall bioleg clefydau, cysyniadau sydd wrth wraidd pathogenesis clefydau, a defnyddio defnyddiau gwyddor biofeddygol cyfredol wrth sgrinio, diagnosio a rheoli cyflyrau clefydau.  

Rhaid i ymgeisydd fodloni un, neu gyfuniad o'r amodau canlynol;

Meddu ar un o'r canlynol cyn dechrau'r Rhaglen:

• Gradd anrhydedd gychwynnol o Brifysgol Glyndŵr Wrecsam neu gorff dyfarnu graddau cymeradwy arall.
• O leiaf gradd anrhydedd 2:2, sydd â chynnwys sylweddol o faes gwyddor fiolegol (e.e. Gwyddor Biofeddygol, Bioleg Ddynol, Biocemeg, Gwyddorau Biolegol, ac ati.)
• Meddu ar brofiad gwaith perthnasol ar lefel uwch, y tybir ei fod yn gwneud iawn am y diffyg cymwysterau ffurfiol, ac fod wedi dal swydd â chyfrifoldeb rheoli yn y sectorau biofeddygol, clinigol neu ofal iechyd am o leiaf dair blynedd o fewn y pum mlynedd blaenorol. Os bydd diffyg eglurder neu angen cael mewnwelediad dyfnach i addasrwydd ymgeisydd ar gyfer y rhaglen astudio, gellir cynnal cyfweliad anffurfiol gyda'r ymgeisydd.
• Yn ogystal â'r uchod, rhaid i ymgeiswyr hefyd fod â phrofiad ymarferol yn y labordy a fyddai wedi cael ei ddatblygu eisoes drwy ymgymryd â'u rhaglen astudio israddedig â chynnwys safonau meincnod perthnasol yr ASA megis Gwyddor Biofeddygol a Gwyddorau Biolegol.

Gall darpar fyfyrwyr hefyd wneud cais am gydnabod dysgu blaenorol (RPL) yn erbyn modiwlau penodol yn unol â rheoliadau Prifysgol Glyndŵr Wrecsam.

Rhaid i fyfyrwyr sy'n ymgymryd â phrosiect ymchwil (traethawd hir) sy'n golygu gweithio mewn manar wahân i'w man gwaith arferol gael GDG/DBS perthnasol. Rhaid i fyfyrwyr sy'n ymgymryd â phrosiect ymchwil (traethawd hir) a all fod yn gweithio gyda chleifion, pobl agored i niwed a phlant gael datgeliad manylach.

Drwy gydol y cwrs, ceir gwaith cwrs, sy'n cyfrannu at eich marciau cyffredinol.

Gall yr asesiad gwaith cwrs ganolbwyntio ar adroddiadau labordy, adolygiadau clinigol, cyflwyniadau poster neu lafar, astudiaethau achos, traethodau neu ymarferion trin data.

Mae'r cwrs hwn yn bennaf ar gyfer gweithwyr iechyd proffesiynol o amrywiaeth o ddisgyblaethau sy'n dymuno gwella eu sgiliau a'u gwybodaeth mewn ymchwil â ffocws clinigol.

Mae ar gyfer y bobl hynny sy'n dymuno dilyn gyrfaoedd ymchwil clinigol/academaidd e.e. nyrsys ymchwil, cydlynwyr treialon clinigol a phrif ymchwilwyr. Mae'r cwrs yn darparu hyfforddiant cynhwysfawr mewn ymchwil, gan ddarparu sylfaen ardderchog i fyfyrwyr sy'n dymuno mynd ymlaen i astudio ar gyfer PhD.

Gall y ffioedd y byddwch chi'n eu tlau a'r cymorth ar gael ddibynnu ar nifer o ffactorau gwahanol. Ceir gwybodaeth lawn ar ein tudalennau ffioedd a chyllid.

Ffioedd hyfforddi Prifysgol Glyndŵr Wrecsam ar gyfer 2020/21 ar gyfer cwrs gradd ôl-raddedig llawn-amser MSc Ymchwil Gwyddorau Biofeddygol Cymhwysol yw £6,615 neu £3,307.50 y flwyddyn rhan-amser.

Gallwch weld manyleb gyflawn y rhaglen yma.