MDes Darlunio

• Byddwch yn rhan o gymuned fywiog a chreadigol o artistiaid masnachol gan gynnwys arlunwyr llyfrau i blant, darlunwyr, animeiddwyr, artistiaid gemau a dylunwyr.
• Cewch eich dysgu gan dîm addysgu a chanddynt ystod eang o brofiad o weithio yn broffesiynol yn y diwydiant darlunio a'r diwydiannau creadigol.
• Rydym yn annog ein myfyrwyr i hunan-gyhoeddi ac i ddysgu sut i gynhyrchu prototeipiau cynhyrchu o safon uchel i'w cyflwyno i'r diwydiant cyhoeddi drwy ddefnyddio ein offer rhwymo mewnol.
• Mae ein myfyrwyr wedi ennill gwobrau darlunio megis cystadleuaeth Darlunio Gwasg Prifysgol Rhydychen Darlunio, cystadleuaeth Llyfrau Plant Macmillan, Cymdeithas Caldecott a gwobrau D &AD ac wedi cael eu henwebu ar gyfer Gwobr uchel eu parch Eisner a Silver Reuben.

Blwyddyn 1 (LEFEL 4)

Mae'r flwyddyn gyntaf yn cyflwyno myfyrwyr i egwyddorion sylfaenol darlunio a fydd yn eich helpu i ddatblygu'ch arddull darluniadol. Mae hyn yn cynnwys datblygu dealltwriaeth o'r offer a'r technegau creadigol y byddwch yn eu defnyddio, y cyd-destunau hanesyddol a damcaniaethau technegau darlunio, printio, cynhyrchu, rhwymo llyfrau a dealltwriaeth o'r diwydiant darlunio.

MODIWLAU

• Cyfathrebu Gweledol
• Cyfryngau a Thechnegau
• Astudiaethau Cyd-destunol  1
• Syniadau a Chysyniadau
• Argraffu a Chynhyrchu
• Dyfodol Creadigol 1

Blwyddyn 2 (LEFEL 5)

Mae'r ail flwyddyn yn galluogi myfyrwyr i ddatblygu eu hymagwedd unigol tuag at ddylunio cymeriadau, rôl darlunio mewn cymdeithas, agweddau cysyniadol ar ddarlunio, ymarferoldeb paratoi gwaith ar gyfer cynhyrchu yn ogystal ag archwilio hanfodion rhedeg busnes fel llawrydd.

MODIWLAU

• Cymeriadau mewn Cyd-destun
• Darlunio ar Waith
• Astudiaethau Cyd-destunol 2
• Darlunio Cysyniadol
• Argraffu a Chyhoeddi
• Dyfodol Creadigol 2

Blwyddyn 3 (LEFEL 6)

Mae gwaith y flwyddyn olaf yn cael ei drafod. Byddwch yn gweithio gyda staff i ysgrifennu'r prosiectau sy'n dangos eich arddull darlunio, eich sgiliau a'ch galluoedd, eich uchelgais a'ch deallwriaeth o'r diwydiant darlunio.

MODIWLAU

• Ymarfer a negodwyd
• Astudiaethau Cyd-destunol 3
• Dyfodol Creadigol 3
• Prosiect Gradd Darlunio

BLWYDDYN 4 (LEFEL 7)

MODIWLAU

• Lleoli Ymarfer
• Ymarfer a Chymhwyso 
• Ymarfer Proffesiynol Uwch

Mae'r wybodaeth a restrir yn yr adran hon yn drosolwg o gynnwys academaidd y rhaglen a fydd ar ffurf modiwlau craidd neu fodiwlau dewisol. Mae modiwlau'n cael eu pennu'n rhai craidd neu rai dewisol yn unol ag anghenion corff proffesiynol ac adolygiad fframwaith academaidd mewnol, ac felly maent yn gallu newid.

Mae gofynion mynediad yn unol â pholisi derbyn y Brifysgol

Mae gofynion mynediad y Brifysgol wedi'u hamlinellu yn: newid tariffau UCAS 2017

Mae cymwysterau mynediad rhyngwladol wedi’u hamlinellu ar y Ganolfan Genedlaethol Cydnabyddiaeth a Gwybodaeth Academaidd (NARIC) fel rhai sy’n cyfateb i gymhwyster mynediad perthnasol y DU.

 Yn ogystal â gofynion mynediad academaidd, mae’n rhaid i’r holl ymgeiswyr nad Cymraeg neu Saesneg yw eu hiaith gyntaf ddangos hyfedredd iaith Saesneg.

Gall myfyrwyr Ewropeaidd roi’r dystiolaeth hon mewn nifer o ffyrdd (gweler gofynion mynediad myfyrwyr Ewropeaidd am fanylion) gan gynnwys IELTs.

Mae ar fyfyrwyr rhyngwladol angen Prawf Iaith Saesneg Diogel (SELT) sydd wedi’i gymeradwyo gan UKVI (gweler Gofynion Iaith Saesneg am fanylion)

Lle bo'n bosibl, rydym yn hoffi cyfweld pob un o'n hymgeiswyr yn bersonol. Os yw hyn yn broblem, gallwn drefnu i adolygu portffolio digidol neu i gael cyfweliad ar-lein.

Yn eich portffolio, hoffem i chi ddangos eich gallu i dynnu lluniau. Gallwch ddangos hyn trwy ddangos bywluniadau, gwaith braslunio yn ogystal â'ch darnau terfynol. Fel arfer, byddem yn disgwyl i fyfyrwyr sy'n gobeithio arbenigo mewn nofelau graffig neu gyhoeddiadau i blant ddangos enghreifftiau o lyfrau comics neu waith dylunio llyfrau plant maent wedi'u cynhyrchu.

Aseswyd myfyrwyr darlunio mewn amryw o ffyrdd yn ystod eu gradd, o diwtorialau unigol, feirniadaeth grŵp, asesiad gan gyfoedion a chyflwyniad gwaith celf derfynol. Mae adborth yn cael ei addasu'n arbennig i'ch helpu i ddatblygu'ch gwaith celf i safon broffesiynol.

Mae myfyrwyr sydd wedi astudio llyfrau plant yn Ysgol y Celfyddydau Creadigol wedi symud ymlaen i weithio mewn amryw o swyddi a diwydiannau. Mae llawer yn mynd ymlaen i weithio fel darlunwyr llawrydd, dylunwyr llyfrau, artistiaid comics, artistiaid bwrdd straeon, dylunwyr cymeriad a swyddi eraill yn y diwydiant animeiddio a gemau.

Nid oes rhaid ichi dalu'ch ffioedd hyfforddi ymlaen llaw.

Ar gyfer 2019/20, bydd ffioedd hyfforddi Prifysgol Glyndŵr Wrecsam yn £9,000 y flwyddyn ar gyfer cwrs gradd israddedig llawn amser.

Bydd y ffioedd rydych chi'n eu talu a'r cymorth ar gael yn dibynnu ar nifer o ffactorau gwahanol. Ceir gwybodaeth gyflawn ar ein tudalennau ffioedd a chyllid.

Byddwch hefyd yn cael hyd i wybodaeth am yr hyn y mae'ch ffioedd yn talu amdano yn adran Cwestiynau Cyffredin y tudalennau hyn.

Gallwch weld manyleb lawn y rhaglen yma.