BSc (Anrh) Rheoli Technoleg Ariannol

• Gradd gyntaf o'r math erioed yn y DU
• Cysylltiadau cryf gyda chyrff proffesiynol ac arbenigwyr busnes sy'n rhoi darlithoedd gwadd.
• Cyfleoedd lleoliad gwaith i'r holl fyfyrwyr sy'n dangos safon dda o ymgysylltiad a phroffesiynoldeb yn ystod eu hastudiaethau.
• Profiad uniongyrchol o gymhwyso'ch gwybodaeth wrth weithio gyda busnesau go iawn ar brosiectau perthnasol.
• Mae'r radd wedi'i achredu gan y Sefydliad Rheolaeth Siartredig (CMI a bydd pob myfyriwr sy'n graddio hefyd yn derbyn Diploma/Tystysgrif lefel 5 mewn Arweinyddiaeth a Rheolaeth gan y CMI gwerth £1,300 heb unrhyw gost ychwanegol.

BLWYDDYN 1 (LEFEL 4)

Mae myfyrwyr yn cael eu cyflwyno i ystod o bynciau craidd yn ystod blwyddyn gyntaf y rhaglen er mwyn darparu sylfaen i natur amrywiol arferion a materion busnes cyfoes.  Mae myfyrwyr yn cael eu hannog i ddarllen o amgylch y pwnc ac i ddod yn gyfarwydd ag ysgrifennu academaidd mewn amgylchedd cefnogol tra'n datblygu lefel o ymreolaeth. Mae pob modiwl yn werth 20 credyd.

MODIWLAU

• Yr Amgylchedd Fusnes
• Sgiliau Cyfathrebu Busnes ar gyfer Marchnata
• Economeg
• Busnes, Cyllid a Rheolaeth Technoleg
• Hanfodion Marchnata
• Dadansoddeg Data a Deall 'Data Mawr'

BLWYDDYN 2 (LEFEL 5)

Mae eich ail flwyddyn yn adeiladu ar y modiwlau rhagarweiniol a astudiwyd ar lefel 4 ac yn datblygu materion busnes ychwanegol. Y disgwyl yw bod mwy o ymreolaeth i fyfyrwyr ac y byddant yn dangos  y gallu i gymhwyso theori i sefyllfa fusnes. Fel yn flwyddyn 1 mae'r modiwlau yn werth 20 credyd ac mae proffil tebyg o ran mynychu darlithoedd a thiwtorialau, a gefnogir gan astudiaeth annibynnol ag a gafwyd ar lefel 4.

MODIWLAU

Craidd

• Rhagoriaeth Gwasanaeth Cwsmer
• Marchnata Digidol
• Technoleg Cyllidol ac Arloesedd

Dewisol

• Lleoliad gwaith 2
• Prosiect seiliedig ar waith
• Hysbysebu a Brandio
• Trethiant a Chynllunio Busnes
• Ymchwil Gwybodaeth Gystadleuol
• Rheolaeth Adnoddau Dynol ar gyfer Busnes

BLWYDDYN 3 (LEFEL 6)

Mae'r ffocws ar y lefel hon yn ymgorffori materion busnes strategol a thymor hwy, yn cyflwyno materion byd-eang ac yn cynnwys darn mwy sylweddol o waith trwy gyfrwng y traethawd hir neu'r lleoliad gwaith lle mae myfyriwr yn gallu dewis problem ac ymgymryd ag ymchwil annibynnol i ddatrys problem fusnes.  Unwaith eto mae gan fodiwlau werth o 20 credyd ar wahân i'r traethawd hir sydd yn fodiwl 40-credyd a astudir dros ddau dymor ac sy'n gofyn am astudiaeth annibynnol ychwanegol. Mae darlithoedd wythnosol a sesiynau tiwtorial, sydd fel arfer yn dair awr y modiwl yn cael eu hamserlennu yn ystod wythnosau dysgu.

MODIWLAU

Craidd

• Meddwl Strategol
• Technoleg Cyllidol a Llwyddiant Busnes
• Marchnata Digidol
• Rheolaeth Adnoddau Dynol Rhyngwladol
• Traethawd hir

Mae'r wybodaeth a restrir yn yr adran hon yn drosolwg o gynnwys academaidd y rhaglen a fydd ar ffurf modiwlau craidd neu fodiwlau dewisol. Mae modiwlau'n cael eu pennu'n rhai craidd neu rai dewisol yn unol ag anghenion corff proffesiynol ac adolygiad fframwaith academaidd mewnol, ac felly maent yn gallu newid.

BSc (Anrh) Rheoli Technoleg Ariannol

Craidd

Meddwl Strategol
Arloesiad Rhwygol a Thechnolegau Cyllidol
Cynaliadwyedd a Thyfiant Busnes
Traethawd hir
Dewisol

Rheolaeth Adnoddau Dynol Rhyngwladol
Marchnata Rhyngwladol

Cod UCAS: N1DM

Y gofynion academaidd ar gyfer y cwrs hwn yw 112 pwynt tariff UCAS yn TAG lefel A neu gyfwerth. Caiff cymwysterau lefel UG a Sgiliau Allweddol Lefel 3 priodol eu hystyried hefyd.

Os ydych chi wedi astudio mewn gwlad Ewropeaidd arall, edrychwch ar Gofynion Mynediad eich cymhwyster.

Fel rhan o'n ymroddiad i baratoi ein graddedigion ar gyfer y gweithle proffesiynol, rydym yn cydnabod yr angen i ddarparu amrywiaeth o ddulliau asesu sy'n cynnal trylwyredd academaidd, ond sydd hefyd yn cynnig cyfleoedd i fyfyrwyr eu datblygu eu hunain mewn amrywiaeth o ffyrdd. O ganlyniad, ar draws y rhan fwyaf o'r modiwlau, bydd myfyrwyr yn cael eu hasesu trwy ddulliau megis arholiadau traddodiadol, arholiadau llafar, gwerthuso astudiaethau achos, cyflwyniadau, ysgrifennu blog ac ysgrifennu adroddiadau rheoli.

Dysgu ac addysgu

Mae Prifysgol Glyndŵr Wrecsam wedi ymrwymo i roi cymorth i'n myfyrwyr i'w galluogi i gyflawni eu potensial academaidd i'r eithaf.

Rydym yn cynnig gweithdai a sesiynau cymorth mewn meysydd megis ysgrifennu academaidd, gwneud nodiadau effeithiol a pharatoi ar gyfer aseiniadau. Gall myfyrwyr drefnu apwyntiadau gyda thiwtoriaid sgiliau academaidd sy'n ymroddedig i helpu myfyrwyr i delio ag agweddau ymarferol gwaith prifysgol. Mae gan ein hadran cymorth i fyrywyr fwy o wybodaeth ar y cymorth sydd ar gael. 

Mae'r rhaglen hon wedi'i chynllunio ar gyfer y bobl hynny sy'n dymuno dilyn gyrfa yn y sector bancio a chyllid. P'un a ydych yn bwriadu cychwyn eich cwmni eich hun neu fynd i mewn i fyd busnes gyda phersbectif ffres, creadigol, dyma'r radd i chi.

Rydym yn cynnig rhaglen radd arloesol sy'n meithrin brwdfrydedd, penderfyniad a pharodrwydd i ddysgu. Mae arweinwyr busnes wedi asesu ein cwricwlwm newydd, er mwyn ichi fod yn hyderus ein bod yn addysgu'r sgiliau a'r arbenigedd sydd eu hangen arnynt. Rydym yn falch bod Ysgol Busnes Gogledd Cymru wedi cyflawni cyfradd cyflogadwyedd o 96%.

Mae ein lleoliad gwaith yn gyfle gwych i fyfyrwyr ddatblygu eu CV, adeiladu perthynas gorfforaethol a gwella eu hyder mewn amgylchedd proffesiynol. Rydym yn annog ein holl fyfyrwyr busnes i gymryd lleoliad fel rhan o'u hastudiaethau ac yn ymdrechu i ddod o hyd i sefydliad perthnasol i bawb sydd â diddordeb.

Mae'r gwasanaeth Gyrfaoedd a'r Zon ym Mhrifysgol Glyndŵr Wrecsam yno i'ch helpu i wneud penderfyniadau a chynllunio'r camau nesaf tuag at ddyfodol disglair. O gael hyd i waith neu astudiaethau pellach i sylweddoli'ch diddordebau, sgiliau a'ch dyheadau, gallant roi'r wybodaeth, y cynogor a'r arweiniad arbenigol sydd eu hangen arnoch.

Nid oes rhaid ichi dalu'ch ffioedd hyfforddi ymlaen llaw.

Ar gyfer 2019/20, bydd ffioedd hyfforddi Prifysgol Glyndŵr Wrecsam yn £9,000 y flwyddyn ar gyfer cwrs gradd israddedig llawn amser.

Bydd y ffioedd rydych chi'n eu talu a'r cymorth ar gael yn dibynnu ar nifer o ffactorau gwahanol. Ceir gwybodaeth gyflawn ar ein tudalennau ffioedd a chyllid.

Byddwch hefyd yn cael gwybodaeth am yr hyn y mae'ch ffioedd yn talu amdano yn adran Cwestiynau a Holir yn aml y tudalennau hyn.

Gallwch chi weld manyleb lawn y rhaglen yma.