BSc (Anrh)
Technoleg
Cerddoriaeth (gyda blwyddyn sylfaen)

• Yn cynnwys blwyddyn sylfaen i'ch paratoi ar gyfer blynyddoedd pellach o astudio.
• Mynediad agored 24 awr i Stiwdio Recordio y Wal a darlithoedd gwadd gan ymarferwyr a chwmnïau technolegol blaenllaw.
• Labordai cyfrifiadurol sy'n llawn o'r offer diweddaraf gyda systemau Apple a PC wedi'i llwytho gyda dewis eang o feddalwedd sy'n gysylltiedig â diwydiant.
• Cyfleoedd profiad gwaith ar sesiynau byw rheolaidd Glyndwr.tv (Edrychwch ar Glyndwr.tv am enghreifftiau o waith ein myfyrwyr).
• Cyfle i gael profiad gwaith yn ein gorsaf radio FM ar y campws. Un o ddim ond tair gorsaf radio gymunedol FM mewn sefydliadau addysg uwch yn y DU (Gwrandewch ar y llif byw www.calonfm.com).
• Anogir pob myfyriwr i ddod yn aelod o'r corff proffesiynol, Cymdeithas Peirianneg Sain (ffioedd ar wahân yn berthnasol).
• Carfannau bach ac amgylchedd cyfeillgar, cymunedol.
• Mae pob myfyriwr yn cael y cyfle i weithio ar sesiynau proffesiynol a fydd yn datblygu eu CV, fydd yn y pen draw'n eu gwneud yn fwy cyflogadwy.

Blwyddyn 1 (Blwyddyn Sylfaen)

Yn ystod eich blwyddyn sylfaen byddwch yn derbyn cyflwyniad i weithio'n fyw gyda thechnoleg y cyfryngau creadigol. Byddwch yn dysgu trwy brofiad o weithio gyda radio, recordio, teledu a newyddiaduraeth, yn ogystal â'r camau amrywiol o gynhyrchu cyfryngau. Bydd myfyrwyr hefyd yn datblygu trosolwg eang o dirwedd bresennol y diwydiannau cyfryngau yn ogystal â chyflwyno effaith gymdeithasol a diwylliannol sydd gan y diwydiannau creadigol yn y gymdeithas fodern.

Modiwlau

• Hanfodion Stiwdio
• Cyfathrebu Cyfryngau
• Diwylliant Cyfryngau
• Prosiect Personol
• Y Sgiliau Sydd Arnoch eu Hangen
• Astudiaethasu Cyd-destunol

Blwyddyn 2 (Lefel 4)

Mae ail flwyddyn y cwrs yn cwmpasu'r wyddoniaeth a'r dechnoleg graidd sydd eu hangen i'ch galluogi i symud ymlaen. Mae cymysgedd da o bynciau a dulliau cyflwyno. Mae gan y wyddoniaeth arbrofion rydych yn eu defnyddio i ymchwilio i egwyddorion sain. Byddwch hefyd yn cael defnyddio y stiwdio recordio ac yn mynd i'r afael ag arddulliau recordio. Yn nes ymlaen, byddwch yn dylunio syntheseisyddion meddalwedd ac yn eu defnyddio fel offerynnau.

Modiwlau

• Cynhyrchu Radio
• Gwyddoniaeth Sain a Gweledol
• Technoleg Recordio
• Sain Byw
• Synthesis a Samplu Sain
• Dyfodol Creadigol

Blwyddyn 3 (Lefel 5)

Ar y lefel hon byddwch chi'n rhoi'r sgiliau yr ydych wedi eu dysgu ar waith ac yn ychwanegu at eich portffolio o wybodaeth. Mae'r pynciau newydd yn cyd-fynd â rhai'r flwyddyn flaenorol ac yn datblygu eich sgiliau cerddoriaeth a rhaglennu cerddoriaeth.

Modiwlau

• Cynhyrchu Cerddoriaeth
• Technoleg Gyfansoddiadol
• Dulliay Ymchwil
• Technoleg Recordio Ymarfer Stiwdio Uwch
• Systemau Credd Rhyngweithiol
• Diwylliant Glwb (dewisol) neu
• Technoleg Theatr (dewisol)

Blwyddyn 4 (Lefel 6)

Dyma'r cyfle i gymhwyso'r hyn yr ydych wedi'i ddysgu a datblygu gosodiadau a datblygiadau diddorol mewn cerddoriaeth.  Y prosiect neu'r traethawd hir yw'r prif ddarn o waith ac mae'n rhoi'r cyfle ichi archwilio maes yn fanwl, gall fod yn dylunio ac adeiladu cadarnwedd drwy i wneud ymchwil i agwedd ar y diwydiant.

Modiwlau

• Perfformiad Cydweithredol
• Recordio ar Leoliad
• Ôl-Gynhyrchu Sain
• Systemau Byw
• Prosiect (dewisol neu
• Traethawd Hir (dewisol)

Mae'r wybodaeth a restrir yn yr adran hon yn drosolwg o gynnwys academaidd y rhaglen a fydd ar ffurf modiwlau craidd neu fodiwlau dewisol. Mae modiwlau'n cael eu pennu'n rhai craidd neu rai dewisol yn unol ag anghenion corff proffesiynol ac adolygiad fframwaith academaidd mewnol, ac felly maent yn gallu newid.

BSc (Anrh) Technoleg Cerddoriaeth (pedair blynedd gan gynnwys blwyddyn sylfaen)

Cod UCAS: W370

Y gofynion academaidd ar gyfer y flwyddyn sylfaen yw 48 pwynt tariff UCAS yn TAG Lefel A neu gyfatebol. Rydym hefyd yn ystyried unrhyw brofiad gwaith sydd gennych sy'n berthnasol i gwrs penodol.

Os byddwch chi wedi astudio mewn gwlad arall yn Ewrop, edrychwch ar y Gofynion Mynediad ar gyfer eich cymhwyster.

Myfyrwyr Rhyngwladol - BSc (Anrh) Technoleg Cerddoriaeth (pedair blynedd gan gynnwys blwyddyn sylfaen)

Os ydych yn fyfyriwr rhyngwladol ewch i dudalen y gwledydd a dewis eich gwlad i weld y gofynion mynediad academaidd a Saesneg.

Defnyddir ystod o ddulliau asesu yn y cwrs yma gan gynnwys creu cynyrchiadau cerddorol, traethodau, dysgu seiliedig ar waith, portffolios, adroddiadau, a chyflwyniadau.

Bydd yr holl asesiadau yn seiliedig ar waith cwrs, ac felly nid oes arholiadau traddodiadol.

Dysgu ac addysgu

Mae Prifysgol Glyndŵr Wrecsam wedi ymrwymo i roi cymorth i'n myfyrwyr i'w galluogi i gyflawni eu potensial academaidd i'r eithaf.

Rydym yn cynnig gweithdai a sesiynau cymorth mewn meysydd megis ysgrifennu academaidd, gwneud nodiadau effeithiol a pharatoi ar gyfer aseiniadau. Gall myfyrwyr drefnu apwyntiadau gyda thiwtoriaid sgiliau academaidd sy'n ymroddedig i helpu myfyrwyr i delio ag agweddau ymarferol gwaith prifysgol. Mae gan ein hadran cymorth i fyfyrwyr fwy o wybodaeth ar y cymorth sydd ar gael. 

Mae amser addysgu yn dibynnu ar y math o fodiwl sy'n cael eu cymryd. Maent yn amrywio o ddatblygu sgiliau ymarferol i ddosbarthiadau technegol a addysgir. Bydd yr amser cyswllt yn cael ei esbonio i fyfyrwyr ar ddechrau'r modiwlau.

Mae'r gwasanaeth Gyrfaoedd a'r Zon ym Mhrifysgol Glyndŵr Wrecsam yno i'ch helpu i wneud penderfyniadau a chynllunio'r camau nesaf tuag at ddyfodol disglair. O gael hyd i waith neu astudiaethau pellach i sylweddoli'ch diddordebau, sgiliau a'ch dyheadau, gallant roi'r wybodaeth, y cynogor a'r arweiniad arbenigol sydd eu hangen arnoch.

Bydd y cwrs hwn yn rhoi lefel uchel o wybodaeth ac arbenigedd mewn technoleg cerddoriaeth a meysydd pwnc cysylltiedig ichi. Mae'r cyrchfannau gyrfaol ar gyfer graddedigion yn eithaf eang ac fel arfer yn dibynnu ar ddiddordebau ac arbenigeddau unigol y myfyrwyr. Oherwydd y set sgiliau eang sy'n cael ei darparu gan y radd, mae graddedigion hefyd wedi symud ymlaen i lwybrau gyrfaol ehangach. Mae'r rhain wedi amrywio o rolau corfforaethol ym maes bancio a masnach i sawl math o statws hunangyflogedig.

Mae llawer o raddedigion yn dilyn llwybrau gyrfaol o fewn arbenigedd craidd Technoleg Cerddoriaeth neu feysydd cysylltiedig. Mae'r rhain wedi cynnwys:

• Sain Deithiol - Blaen tŷ neu Beirianneg Monitor, Peirianneg Systemau, Rheolaeth Llwyfan, Technegwyr Offer, Technegwyr Llwyfan, Gweithredwyr hunan-gyflogedig.
• Rheoli Digwyddiadau – Gwyliau, rheoli lleoliadau bach/mawr eu maint, rheoli teithiau
• Technegwyr Clyweledol - Llawrydd, Corfforaethol a hefyd llwybrau addysgol
• Y Theatr – Technegwyr Llwyfan, Dylunwyr goleuo, trydanwyr, rheoli llwyfan
• Addysgu - Mae llawer o'n graddedigion yn gweithio ym myd addysg Bellach ac Uwch yn ogystal ag mewn ysgolion cynradd ac uwchradd.
• Ymchwil a datblygu - Mae'r cwrs wedi profi yn sylfaen gadarn sy'n galluogi myfyrwyr i symud ymlaen i wneud gradd ymchwil. Oherwydd y lefel uchel o arbenigedd technegol, mae hefyd wedi galluogi myfyrwyr i weithio mewn rolau ymchwil a datblygu ar gyfer cwmnïau sain mawr.

Nid oes rhaid ichi dalu'ch ffioedd hyfforddi ymlaen llaw.

Ar gyfer 2019/20, bydd ffioedd hyfforddi Prifysgol Glyndŵr Wrecsam yn £9,000 y flwyddyn ar gyfer cwrs gradd israddedig llawn amser.

Bydd y ffioedd rydych chi'n eu talu a'r cymorth ar gael yn dibynnu ar nifer o ffactorau gwahanol. Ceir gwybodaeth gyflawn ar ein tudalennau ffioedd a chyllid. Byddwch hefyd yn cael gwybodaeth am yr hyn y mae'ch ffioedd yn talu amdano yn adran Cwestiynau Cyffredin y tudalennau hynny.

Gallwch weld manyleb lawn y rhaglen yma.