Edrychwch ar ein rhestr o gyrsiau israddedig i weld yr hyn sydd gennym i'w gynnig

WGU Logo
WGU ten years
Diwrnod Agored y BrifysgolWGU UG prospectus

Live Chat Software by Click4Assistance UK
Iechyd Meddwl a Lles (gyda blwyddyn sylfaen)*

BSc (Anrh)
Iechyd Meddwl a Lles (gyda blwyddyn sylfaen)*

Côd UCAS: 2C4B

BL Mynediad: 2019

Tariff UCAS: 48

Hyd y Cwrs: 4 BL (LlA)

Cod y Sefydliad: G53

Lleoliad: Wrecsam

Pam dewis y cwrs hwn?

Amcangyfrifir mai £7.2 billion bob blwyddyn (Sefydliad Iechyd Meddwl, 2016) yw cost salwch meddwl i economi Cymru. Cydnabyddir y gall salwch meddwl ddeillio o gyfuniad o ffactorau ar unrhyw bwynt ar draws y rhychwant oedran ac y gall fod ar bobl sy'n byw gyda phroblemau iechyd meddwl angen cefnogaeth gan wahanol wasanaethau megis tai, mentrau cymdeithasol a sefydliadau cymunedol ar y cyd â gwasanaethau iechyd a gofal cymdeithasol statudol. Mae angen felly ymarferwyr gwybodus cymwys i gyflawni ystod o rolau newydd a fydd yn helpu i leihau'r stigma, anfantais ac anghydraddoldeb a brofir gan bobl sy'n byw gyda phroblemau iechyd meddwl ac i weithio o fewn cymunedau i hybu iechyd meddwl a lles meddwl da.

 

Mae gan y rhaglen ddeinamig hon ffocws ar atal ac adfer ac mae'n cyfuno damcaniaeth gyda dysgu seiliedig ar waith er mwyn sicrhau bod ein graddedigion yn gallu mynd ymlaen i yrfaoedd amrywiol yn y sector hwn sy'n datblygu'n barhaus. Mae amrywiaeth o asesiadau ar draws y rhaglen sy'n sicrhau bod gan bob un o'r graddedigion CV cyflawn - bydd myfyrwyr ar y rhaglen yn datblygu ymgyrchoedd yn fynd i'r afael â stigma, yn cynhyrchu taflenni hybu iechyd ac yn rhoi cyflwyniadau, gan adlewyrchu'r sgiliau bywyd go iawn sydd eu hangen ar ddarpar gyflogwyr. Bydd myfyrwyr hefyd yn datblygu eu hunanymwybyddiaeth a'u llythrennedd emosiynol, ochr yn ochr â'u sgiliau adfyfyriol a rhyngbersonol - pob un ohonynt yn allweddol i ddod yn ymarferydd effeithiol a chymwys.

 

Mae'r cwrs yn cael ei addysgu ar 2 ddiwrnod llawn yr wythnos ond disgwylir i fyfyrwyr ymgymryd ag astudiaethau dan gyfarwyddyd ac annibynnol tu allan i'r oriau hyn. Pennir tiwtor personol i bob myfyriwr wrth iddynt gofrestru a fydd yn eu cefnogi drwy gydol eu cyfnod ar y rhaglen. Mae'r adran yn gweithredu polisi drws agored, sy'n golygu nad oes rhaid i fyfyrwyr wneud apwyntiad er mwyn gallu cael mynediad at eu tiwtor personol ond mae croeso iddynt alw heibio. Rydym hefyd yn cynnig system mentor cymheiriaid sefydledig, fel y gall myfyrwyr gael gafael ar gymorth gan eu cyd-ddysgwyr.

 

Mae'r cwrs hwn ar gael hefyd i'w astudio fel gradd dros dair blynedd (heb flwyddyn sylfaen) BA (Anrh) Iechyd Meddwl a Lles  Cod UCAS: 2C3B

*Yn amodol ar ddilysu Fel rhan o’i phrosesau sicrhau ansawdd a gwella parhaus, mae’r Brifysgol wrthi’n datblygu cyrsiau newydd ac sydd wedi’u diweddaru. Mae manylion y cyrsiau hyn yn cael eu cymeradwyo ar hyn o bryd ac maent yn aros eu tro yn y cylch cymeradwyo, a elwir yn broses ‘ddilysu’. Cyn gynted ag y caiff y rhaglenni eu dilysu, caiff manylion y cwrs eu cadarnhau.

Caiff y rhan fwyaf o’r cyrsiau sy’n dal i fod yn ‘amodol ar ddilysu’ eu cymeradwyo gan eu proses ddilysu; ond nid yw hyn wedi’i warantu ac os na fydd y cwrs yn mynd ymlaen fel y’i trefnwyd, neu os caiff ei ddiwygio’n sylweddol, bydd y brifysgol yn rhoi gwybod i chi a chaiff cymorth ei roi i’r rheiny sydd wedi cael cynnig lle er mwyn dod o hyd i gwrs arall sy’n addas naill ai ym Mhrifysgol Glyndŵr Wrecsam neu gyda darparwr arall.

 

 

 

TEF Welsh Silver logo words RBG

 

rise of 24 places

CWRDD Â'R STAFF


Dyddiau a Nosweithiau Agored

Diwrnodau Agored Prifysgol Gogledd Cymru

Diwrnodau pwnc a diwrnodau blasu

Diwrnodau Blasu Prifysgol Glyndŵr Wrecsam
Diwrnod Agored y BrifysgolWGU UG prospectus

Live Chat Software by Click4Assistance UK
Top