BA (Anrh) Hanes Cymdeithasol
a Diwylliannol gyda
Blwyddyn Sylfaen

• Gradd eang – sy’n amrywio o’r Hen Rufain i Brydain Fodern – wedi’i chydblethu â themâu cymdeithasol a diwylliannol pwysig
• Cyfleoedd profiad gwaith – mae lleoliadau ar gael mewn archifau, llyfrgelloedd a chanolfannau treftadaeth
• Cyfuniad o theori ac arfer – ymweliadau â chartrefi aristocrataidd a safleoedd eraill i ategu at ddysgu yn y dosbarth
• Datblygu eich sgiliau ymchwil, dadansoddi, dehongli, cyfathrebu a chyflwyno
• Dadansoddi dogfennau cychwynnol o’r gorffennol
• Astudio hanes lleol, cenedlaethol a rhyngwladol

Blwyddyn 1 (Blwyddyn Sylfaen)

Modiwlau

• Cyflwyniad i Ddyniaethau (Rhan 1) - yn y modiwl hwn, byddwch yn astudio rhai o'r prif ddulliau sy'n tanategu astudiaeth yn seiliedig ar ddyniaethau.
• Cyflwyniad i Ddyniaethau (Rhan 2) - Bydd y modiwl hwn yn datblygu ymhellach eich gwybodaeth a chymhwysiad dulliau perthnasol yn seiliedig ar ddyniaethau ac yn annog dealltwriaeth ddyfnach o gysylltiadau rhwng pynciau.
• Diwylliant Cyfryngau - Mae'r modiwl hwn yn cyflwyno myfyrwyr i ystod eang o destunau cyfryngau ac adnoddau ac yn annog trafodaethau am wyneb diwylliant cyfryngau sy'n newid.
• Prosiect Personol - Mae'r modiwl hwn yn annog myfyrwyr i ddefnyddio'r sgiliau a'r wybodaeth maent wedi datblygu ar y cwrs i gynhyrchu prosiect sy'n gweddu eu diddordebau a chyfeiriad eu hastudiaethau yn y dyfodol.
• Sgiliau Cyd-destunol - Bwriad y modiwl hwn yw'ch cyflwyno i amrywiaeth o faterion cyfoes. Bydd yn eich galluogi i gysylltu'ch maes diddordeb gyda'r materion cyflwynwyd a symbylu trafodaeth iach ac ymarfer adfyfyriol ymysg eich grwpiau pwnc.

Blwyddyn 2 (Lefel 4)

Mae’r ail flwyddyn yn cyflwyno amrywiaeth o fodiwlau i’r myfyrwyr, yn y dosbarth, yn bennaf, o’r cyfnod Rhufeinig i drosedd a diwylliant y bedwaredd ganrif ar bymtheg. Y nod ym mlwyddyn un yw datblygu sgiliau dadansoddi hanesyddol trwy werthuso ffynonellau gwreiddiol ac eilaidd. 

Modiwlau

• Cyflwyno’r Gorffennol
• Yr Ymerodraeth Rufeinig: Pobl a Phŵer
• Trobwyntiau Diwylliannol
• Sgiliau Personol, Proffesiynol ac Academaidd
• Trosedd a Diwylliant Poblogaidd ym Mhrydain Oes Fictoria
• Prydain ac Ewrop 1860-1945

Blwyddyn 3 (Lefel 5)

Mae blwyddyn dau yn gyfle i fyfyrwyr astudio hanes modern cynnar a hanes modern ac i ddatblygu ymhellach y sgiliau a ddysgwyd ym Mlwyddyn 1. Mae teithiau maes yn ychwanegu elfen ymarferol ac mae modiwl lleoliad yn cynnig profiad hanfodol o’r gweithle. 

Modiwlau

• Y Prydeiniaid yn America, 1607-1783
• Bywyd yng Nghymru a Lloegr yn Oes y Tuduriaid
• Yr Oes Sioraidd
• Diwylliant a Chred yn Ewrop y Dadeni
• Dulliau Ymchwil yn y Dyniaethau
• Profi Hanes yn y Gweithle

Blwyddyn 4 (Lefel 6)

Mae blwyddyn 3 yn ategu at hanes modern cynnar a hanes modern y flwyddyn flaenorol, gyda phwyslais penodol ar hanes Cymru a Phrydain. Mae myfyrwyr hefyd yn cael y cyfle i ymgymryd â phrosiect mawr o’u dewis. Yn yr un modd â blynyddoedd eraill, mae teithiau maes yn ychwanegu elfen ymarferol at theori’r ystafell ddosbarth.

• Pobl a Phrotest yng Nghymru a Lloegr Oes Fictoria
• Chwyldro ac Ail-addasu yng Nghymru a Lloegr 1625-1690
• Ffiniau Americanaidd yn y Bedwaredd Ganrif ar Bymtheg
• Traethawd Hir

Y gofynion academaidd ar gyfer y cwrs yw 48 o bwyntiau tariff UCAS ar lefel TAG, Safon Uwch neu gyfwerth, gyda chymhwyster Safon Uwch mewn Hanes, yn ddelfrydol. Byddwn hefyd yn ystyried cymwysterau Uwch Gyfrannol a Sgiliau Allweddol Lefel 3.

Gall Cyrsiau Mynediad (boed yn Ddyniaethau neu Astudiaethau Cymdeithasol) gynnig ffordd bosibl arall at Addysg Uwch.

Lle nad oes gan ymgeiswyr mo'r cymwysterau ffurfiol angenrheidiol, byddwn yn cynnig cyfwelliadau, fel arfer.

Os ydych wedi astudio mewn gwlad Ewropeaidd arall, gweler Gofynion Mynediad eich cymhwyster.

Mae ein gradd hanes yn defnyddio ystod eang o ddulliau asesu, sy’n cynnwys:

• Traethodau
• Arholiadau
• Cyflwyniadau Poster
• Cyflwyniadau ar Lafar
• Dyddiaduron Adfyfyriol
• Portffolios

Mae'n gwasanaeth Gyrfaoedd a Chyflogadwyedd yno i’ch helpu i wneud penderfyniadau ac i gynllunio’r camau nesaf tuag at ddyfodol disglair. O ddod o hyd i waith neu astudio pellach i ganfod beth yw’ch diddordebau, eich sgiliau a’ch dyheadau, gallant ddarparu’r wybodaeth, y cyngor a’r arweiniad arbenigol sydd eu hangen arnoch.

Mae elfennau dadansoddol a deallusol gradd hanes yn addas ar gyfer ystod eang o alwedigaethau. Mae cyn-fyfyrwyr wedi mynd ymlaen i ddod yn:

• Athrawon
• Ymchwilwyr Hanesyddol
• Rheolwyr Treftadaeth
• Curaduriaid Amgueddfa
• Ceidwaid Cofnodion
• Rheolwyr Archifau
• Gwarcheidwaid Adeiladau Hanesyddol
• Entrepreneuriaid
• Academyddion

Nid oes rhaid i chi dalu eich ffioedd addysgu ymlaen llaw.

Ffioedd addysgu Prifysgol Glyndŵr Wrecsam ar gyfer gradd israddedig lawn amser yn 2020/21 yw £9000 y flwyddyn.

Bydd y ffioedd y byddwch yn eu talu a’r cymorth sydd ar gael yn dibynnu ar nifer o ffactorau gwahanol. Mae gwybodaeth lawn ar gael ar ein tudalennau ffioedd a chyllid. Byddwch hefyd yn gweld gwybodaeth am yr hyn y mae’ch ffioedd yn talu amdano yn adran cwestiynau cyffredin y tudalennau hynny.

Gallwch weld manyleb y rhaglen lawn yma.