BA (Anrh) Astudiaethau
Addysg
a Phlentyndod (gyda blwyddyn sylfaen)*

• Yn cynnwys blwyddyn sylfaen i'ch paratoi ar gyfer blynyddoedd pellach o astudio.
• Cynigir lleoliadau bloc mewn lleoliadau addysgol ym mhob blwyddyn o'r rhaglen, gan gynnwys addysg cyfrwng Cymraeg ac addysg arbennig.
• Tîm o staff cefnogol a system o diwtorialau academaidd.
• Mae erthyglau ar gyfer cyfnodolion rhyngwladol a adolygwyd gan gyfoedion wedi cael eu cynhyrchu ar y cyd gan staff a myfyrwyr lefel 6.
• Digwyddiad gyrfaoedd ym Mlwyddyn 2 yn cynnwys cyflwyniadau a gyflwynir gan gyn-fyfyrwyr.

Wedi'i seilio ar gyfuniad o astudiaethau academaid a phrofiad gwaith, mae’r cwrs wedi’i gynllunio i ychwanegu at eich gwybodaeth, eic sgiliau a’ch profiad  o weithio mewn lleoliadau addysgol.

Blwyddyn 1 (Blwyddyn Sylfaen)

Bydd y Flwyddyn Sylfaen Addysg yn cyflwyno myfyrwyr i ddamcaniaethau Datblygiad Plant a sut y gallant gael eu defnyddio a'u dangos mewn ymarfer. Caiff myfyfwyr drosolwg o gysyniad iechyd a lles yn y blynyddoedd cynnat a phwysigrwydd darparu amgylchedd iach a diogel i blant. Byddwch yn datblygu sylfaen ddamcaniaethol a phrofiadol o'r sgiliau sydd eu hangen i weithio gyda phlant, pobl ifanc a theuluoedd.

Modiwlau

• Cyflwyniad i Ddatblygiad Plant
• Cyflwyniad i Iechyd a Lles
• Cyflwyniad i Gwnsela
• Cyflwyniad i Blentyndod ac Astudiaethau Ieuenctid
• Gweithio gyda Phlant, Pobl Ifanc a Theuluoedd

Blwyddyn 2 (Lefel 4)

Mae Blwyddyn 2 yn cynnig i fyfyrwyr gyflwyniad eang i rai o'r prif ddisgyblaethau sy'n sail i astudiaethau addysg a phlentyndod. Yr athroniaeth allweddol yw bod rhaid i ymarferwyr ddeall camau datblygu ac anghenion plant a phobl ifanc er mwyn i blant ddysgu.

Modiwlau:

• Datblygiad Plant a Phobl Ifanc
• Datblygiad Llythrennedd a Rhifedd
• Diogelu Pobl Ifanc mewn Amgylchedd Addysgol
• Chwarae
• Adeiladweithiau Plentyndod ac Addysg Plentyndod
• Datblygiad Academaidd ac Ymarfer Adfyfyriol

Blwyddyn 3 (Lefel 5)

Mae Blwyddyn 3 yn adeiladu ar y modiwlau a astudiwyd yn lefel 4, gan ystyried gwahanol bynciau o'r cwricwlwm cenedlaethol, yn ogystal ag archwilio'n fwy trylwyr rai o'r ffactorau cymdeithasol ac emosiynol sy'n effeithio ar ddysgu plant a phobl ifanc.

Modiwlau:

• Cynhwysiad ac Amrywiaeth
• Sgiliau ar gyfer y Gweithle
• Iechyd a Lles Llencynniadd a Phlant
• Cwricwlwm (3-7 mlwydd oed)
• Gwyddoniaeth, Technoleg a Meddwl Creadigol
• Dulliau Ymchwil

Blwyddyn 4 (Lefel 6)

Mae blwyddyn 4 yn adeiladu ar ddysgu blaenorol, ac mae'n gofyn am astudiaeth fwy annibynnol ac yn cynnwys myfyrwyr yn dewis eu pwnc plentyndod/addysg eu hunain i gynnal prosiect ymchwil ar raddfa fach arno mewn lleoliad plant/addysg.

Modiwlau:

• Hyrwyddo ymddygiad cadarnhaol
• Technegau Dysg ac Addysgu
• Cwricwlwm (7-14 mlwydd oed)
• Anghenion Addysgol Arbennig
• Erthygl Ymchwil

Mae'r wybodaeth a restrir yn yr adran hon yn drosolwg o gynnwys academaidd y rhaglen a fydd ar ffurf modiwlau craidd neu fodiwlau dewisol. Mae modiwlau'n cael eu pennu'n rhai craidd neu rai dewisol yn unol ag anghenion corff proffesiynol ac adolygiad fframwaith academaidd mewnol, ac felly maent yn gallu newid.

BA (Anrh) Astudiaethau Addysg a Phlentyndod (4 blynedd gan gynnwys blwyddyn sylfaen)

Cod UCAS: 7X64 

Ein gofynion cyffredinol ar gyfer y flwyddyn sylfaen yw 48 pwynt tariff UCAS ond caiff pob cais ei ystyried yn unigol ac rydym yn ystyried profiad gwaith, cymwysterau/hyfforddiant galwedigaethol, yn ogystal â chymhelliant a'r potensial i lwyddo.

Yn ogystal â'r uchod, mae gofyn bod gan ymgeiswyr i'r cwrs hwn:

• Saesneg ar lefel TGAU (gradd C neu uwch), Mathemateg neu Wyddoniaeth ar lefel TGAU (gradd C neu uwch)
• Cwblhau gwiriad GDG uwch yn llwyddiannus (CRB gynt)
• Profiad o weithio gyda phlant/teuluoedd yn y DU

Os ydych chi wedi astudio mewn gwlad arall yn Ewrop, edrychwch ar y Gofynion Mynediad ar gyfer eich cymhwyster.

Defnyddir ystod o ddulliau asesu sy'n cynnwys: traethodau; adroddiadau; astudiaethau achos; arsylwadau; micro-addysgu; dylunio a gwneud gweithgareddau; portffolios; cynlluniau gwer a gwerthusiadau; cyflwyniadau; cynnig ymchwil; erthygl mewn cyfnodolyn; posteri cynhadledd.

Mae'r strategaethau asesu amrywiol hyn yn helpu unigolion i ddatblygu'r ystod o sgiliau trosglwyddadwy sydd eu hangen i weithio mewn lleoliadau addysg a'r plentyn.

Dysgu ac addysgu

Mae Prifysgol Glyndŵr Wrecsam wedi ymrwymo i roi cymorth i'n myfyrwyr i'w galluogi i gyflawni eu potensial academaidd i'r eithaf.

Rydym yn cynnig gweithdai a sesiynau cymorth mewn meysydd megis ysgrifennu academaidd, gwneud nodiadau effeithiol a pharatoi ar gyfer aseiniadau. Gall myfyrwyr drefnu apwyntiadau gyda thiwtoriaid sgiliau academaidd sy'n ymroddedig i helpu myfyrwyr i delio ag agweddau ymarferol gwaith prifysgol. Mae gan ein hadran cymorth i fyfyrwyr fwy o wybodaeth ar y cymorth sydd ar gael. 

Mae'r rhaglen yn cael ei chyflenwi gan staff cefnogol, profiadol a chymwys sy'n dod o ystod o gefndiroedd ym maes addysg, plant a'r gymuned.

Mae tîm y rhaglen yn chwilio'n gyson am ffyrdd i gynnig cyfleoedd ychwanegol i fyfyrwyr, gan gysylltu arbenigedd a diddordebau'r staff. Er enghraifft, mae gweithdai / digwyddiadau hyfforddiant ychwanegol  wedi cael eu cynnwys: cefnogi plant â cholled a galar; amddiffyn plant; dysgu awyr agored; paratoi am yrfa (gan gynnwys cyngor ar gyfer mynediad i TAR). Mae'r staff yn cymryd rhan weithredol mewn ymchwil, cyhoeddi a gwaith arholi allanol mewn prifysgolion eraill.

Mae gan y rhaglen system diwtorial effeithiol, gan gynnwys tiwtor personol a enwir ar gyfer myfyrwyr ym mhob blwyddyn astudi.

• Blwyddyn 1 (Lefel 4) (12 o oriau cyswllt modiwl yr wythnos; tiwtorial o 1 awr yr wythnos; 12 awr yr wythnos o astudio preifat ar gyfarteledd)
• Blwyddyn  2 (Lefel 5) (hyd at 12 o oriau cyswllt modiwl yr wythnos; tiwtorial o 1 awr yr wythnos; 12 awr yr wythnos o astudio preifat ar gyfarteledd)
• Blwyddyn 3 (Lefel 6) (up to 9 o oriau cyswllt modiwl yr wythnos; tiwtorial o 1 awr yr wythnos; 15 awr yr wythnos o astudio preifat ar gyfarteledd)

Mae lleoliad yn rhan o'r rhaglen ar bob lefel o astudio: Blwyddyn 1 (20 diwrnod); Blwyddyn 2 (25 diwrnod); Blwyddyn  3 (20 diwrnod). Disgwylir ichi adlewyrchu oriau gwaith y staff yn y lleoliad y byddwch yn ei fynychu.

Mae'r gwasanaeth Gyrfaoedd a'r Zon ym Mhrifysgol Glyndŵr Wrecsam yno i'ch helpu i wneud penderfyniadau a chynllunio'r camau nesaf tuag at ddyfodol disglair. O gael hyd i waith neu astudiaethau pellach i sylweddoli'ch diddordebau, sgiliau a'ch dyheadau, gallant roi'r wybodaeth, y cynogor a'r arweiniad arbenigol sydd eu hangen arnoch.

Mae yna nifer gynyddol o yrfaoedd mewn lleoliadau addysg a chymuned, a chyfleoedd ar gyfer astudiaeth bellach, gan gynnwys:

• Tystysgrif Ôl-raddedig Cynradd mewn Addysg (TAR)
• Darlithydd Addysg Uwch/Bellach (PcET)
• Rhaglenni Meistr
• Cynorthwy-ydd Addysgu
• Addysg Arbennig
• Gweithiwr Ieuenctid Addysgol
• Athro-Saesneg fel Iaith Dramor
• Gweithiwr Cymorth Bugeiliol / Ymddygiadol
• Ymarferydd Hybu Iechyd

Nid oes rhaid ichi dalu'ch ffioedd hyfforddi ymlaen llaw.

Ar gyfer 2019/20, bydd ffioedd hyfforddi Prifysgol Glyndŵr Wrecsam yn £9,000 y flwyddyn ar gyfer cwrs gradd israddedig llawn amser.

Bydd y ffioedd rydych chi'n eu talu a'r cymorth ar gael yn dibynnu ar nifer o ffactorau gwahanol. Ceir gwybodaeth gyflawn ar ein tudalennau ffioedd a chyllid. Byddwch hefyd yn cael gwybodaeth am yr hyn y mae'ch ffioedd yn talu amdano yn adran Cwestiynau Cyffredin y tudalennau hynny.

Gallwch weld manyleb lawn y rhaglen yma. 

Brifysgol yn adolygu ei chyrsiau yn rheolaidd i sicrhau eu bod yn adlewyrchu anghenion myfyrwyr a chyflogwyr. I wneud hyn mae gennym raglen ar gyfer cymeradwyo rhaglenni newydd, a diweddaru'r rhai sy'n bodoli eisoes. Mae rhai yn aros am eu tro yn y cylch cymeradwyo ac fe'u nodir fel rhai sy'n 'amodol ar ddilysu'. Cyn gynted ag y caiff y dyfarniad ei ddilysu, bydd manylion yn cael eu newid yn awtomatig. O ran y cyrsiau hynny a restrwyd fel rhai sy'n amodol ar ddilysu, cysylltwch â'r Swyddfa Derbyniadau ar 01978 293439 i gael rhagor o wybodaeth. Unwaith y bydd rhaglen yr ydych wedi gwneud cais amdani'n cael ei dilysu, caiff manylion eu cyfleu i chi. Os nad ydych yn hapus â'r newidiadau a wneir ac yn dymuno tynnu'ch dewis yn ôl, bydd y Brifysgol yn eich cynorthwyo i ddod o hyd i raglen arall.