Academi Doniau Ifanc
Nod Academi Doniau Ifanc Gogledd Cymru yw arfogi gweithwyr talentog â'r wybodaeth, y sgiliau a'r profiad sydd eu hangen i lwyddo yn yr amgylchedd busnes cystadleuol sydd ohoni. Mae cymhwyster ADI mewn Arweinyddiaeth a Rheolaeth yn rhaglen dros bymtheg mis ar gyfer pobl 18-30 oed sy'n dangos potensial ar gyfer yn y dyfodol ac fe'i cyflwynir un diwrnod y mis yng nghanolfan OpTIC yn Llanelwy, a thrwy gyfrwng tasgau dysgu ar-lein wythnosol.
Mae Rhaglen Academi Doniau Ifanc wedi'i chynllunio i fod yn academaidd ac yn ymarferol. Mae aseiniadau i'w cwblhau, gan gynnwys adroddiadau rheoli ysgrifenedig, astudiaethau achos rheoli, a chyflwyniadau grŵp neu unigol, ond mae pwyslais hefyd ar gymhwyso technegau rheoli yn ymarferol, a gwella sgiliau i gefnogi rheolaeth bob dydd.
Trefnir y cwrs mewn tri bloc neu fodiwl:
- Hanfodion rheoli
- Arwain Ymgyrch
- Torri Tir Newydd
Mae'r Gronfa Gymdeithasol Ewropeaidd yn rhoi cymhorthdal mawr i'r prosiect hwn, gydag elfen o arian cyfatebol sy'n ofynnol gan bob busnes. Gellir cadarnhau'r elfen ariannu cyfatebol fel a ganlyn: Ar gyfer busnesau bach o hyd at 49 o weithwyr, y gost yw £995, £1295 ar gyfer busnes canolig, a £1595 ar gyfer busnes mawr gyda dros 250 o weithwyr.
Dyma rai o'n hadborth diweddar gan gynrychiolwyr a chwmnïau fel ei gilydd:
|
“Mae cysyniad y cwrs yn wych, diolch yn fawr iawn am drefnu y fath fewnwelediad bendigedig i fywyd busnes." Margaret Carter, Sylfaenydd Patchword Foods a Siaradwr Gwadd "Mae'r rhaglen hon eisoes wedi sicrhau fy mod i'n fwy hyderus yn fy swydd ac wedi gwneud imi fod yn fwy ymwybodol o sut rwy'n ymdrin â phethau mewn dull rheoli." Myfyriwr cyfredol, Academi Doniau Ifanc |
Mae gan y rhaglen ddyddiadau cychwyn pellach i'w cadarnhau, o yn gynnar yn 2018 ac mae'r lleoedd yn gyfyngedig.
Am ragor o wybodaeth cysylltwch â Christina Blakey ar 01978 293985 neu Gaenor Roberts ar 01978 293012 - fel arall gallwch e-bostio enterprise@glyndwr.ac.uk
