Diwydiant deinamig

Mae Wrecsam yn ganolfan bwysig o dwf diwydiannol yn y DU. Mae’r gymuned fusnes yn cynnwys popeth o fusnesau masnachwyr unigol bychain i gwmnïau cydwladol mawr.

Mae cwmnïau rhyngwladol adnabyddus yn Wrecsam yn cynnwys Kellogg's, JCB, Cadburys, Continental Can, Calypso, Sharp, Hoya a Brother Industries.

Mae’r ysbryd mentrus sy’n bodoli yn Wrecsam yn gwneud y dref yn elfen allweddol o economi Gogledd Cymru. Erbyn hyn, Stad Ddiwydiannol Wrecsam yw’r chweched stad ddiwydiannol fwyaf yn Ewrop.

Mae gan beirianneg, rhannau modurol, pacediadau, gofal iechyd, meddygol a fferyllol, cyfrifiaduron, electroneg, ffibrau optegol/opto-electroneg, prosesu bwyd, cemegolion a phlastigau i gyd gynrychiolaeth gref yn yr ardal.