Gwreiddiau NEWI

Mae gwreiddiau Prifysgol Glyndŵr yn mynd yn ôl i 1887 pan sefydlwyd addysg ôl-orfodol yn Wrecsam am y tro cyntaf.

Sefydlwyd yr ysgol Wyddoniaeth a Chelf yn dilyn Adroddiad Aberdâr ar Addysg Canolradd ac Uwch yng Nghymru 1881 ac Adroddiad Samuelson ar Gyfarwyddyd Technegol 1882-4.

Arianwyd yr ysgol gan ‘Arian Whisgi’, sef treth ar gwrw a gwirod, a thrwy hynny yn defnyddio un arall o brif ddiwydiannau Wrecsam: Wrexham Lager.

Roedd llawer o’r cyrsiau bryd hynny yn adlewyrchu natur ddiwydiannol Wrecsam oes Fictoria, y diwydiant glofaol yn arbennig (er enghraifft adeiladu peiriannau, mwyngloddio a chemeg). Er syndod, fodd bynnag, celfyddyd oedd y pwnc mwyaf poblogaidd o bell ffordd.