Beth sy’ mlaen

Mae Cyfres o Ddarlithoedd Agoriadol Athrawol Prifysgol Glyndŵr yn arddangos a dathlu rhagoriaeth academaidd staff athrawol y Brifysgol, a dod â meddwl ac ymchwil blaenllaw i’r gymuned ehangach. Mae’r darlithoedd i gyd yn agored i bawb â mynediad am ddim.

Oriel Sycharth

Mae gan y Brifysgol ei horiel gelf ei hun, sef Oriel Sycharth.

Ers iddi agor ym mis Chwefror 2009, mae’r oriel wedi arddangos gwaith gan artistiaid cenedlaethol a rhyngwladol fel ei gilydd. Cynhelir nifer o arddangosfeydd ynddi bob blwyddyn.

Am fwy o wybodaeth am Oriel Sycharth, cliciwch yma.

Mae ein darlithoedd cyhoeddus yn agored i bawb ac mae mynediad iddynt YN RHAD AC AM DDIM!

Mae’r darlithoedd yn gyfle i wrando ar rai o siaradwyr cyhoeddus enwocaf a mwyaf difyr y Deyrnas Unedig, ar destunau sydd o ddiddordeb bob dydd – yn amrywio o’r teledu a’r cyfryngau i wyddoniaeth, chwaraeon, gwleidyddiaeth ac addysg.

Yn 2010 roedd y siaradwyr yn cynnwys Johnny Ball, Yr Athro Jeff Forshaw, Shaun Ellis a’r Fonesig Jocelyn Bell Burnell, tra yn 2011 croesawyd cyn-fasydd Joy Division a New Order, Peter Hook, yn ogystal â Dale Templar, cynhyrchydd cyfres Human Planet y BBC, a fu’n siarad am y diwydiannau creadigol.

Mae siaradwyr eraill yn y gorffennol wedi cynnwys y Fonesig Tanni Grey-Thompson, Carol Thatcher a Philippa Forrester. 

Pwy hoffech chi eu clywed yn un o Ddarlithoedd Cyhoeddus Prifysgol Glyndŵr?

Rydym bob amser yn croesawu awgrymiadau ar gyfer ein darlithoedd. Os oes yna bwnc yr hoffech wybod mwy amdano neu siaradwr y byddech wrth eich bodd yn gwrando arno/arni, yna cysylltwch â ni ar 01978 293931 neu e-bostiwch eventsupport@glyndwr.ac.uk

I weld rhestr o ddigwyddiadau’r Brifysgol – comedi, pantomeim, cynadleddau, sgyrsiau a darlithoedd, cerddoriaeth fyw a llawer mwy, ewch i’n swyddfa docynnau ar-lein .