Hysbysebu swyddi am ddim gyda’r Siop Swyddi

Rydym yn cynnig y canlynol i gyflogwyr

• Hysbysebu swyddi AM DDIM*
• Cronfa ddata hygyrch 24-awr
• Lanlwytho eich swyddi i’r Siop Swyddi  neu fe wnawn ni hyn ar eich rhan
• Cyfarwyddo ebyst yn hysbysebu swyddi at adrannau academaidd penodol
• Cyfleoedd i recriwtio a chyfweld yn uniongyrchol ar y campws
• Cyfleoedd eraill i weithio gyda’n myfyrwyr

Pam hysbysebu yn Siop Swyddi Glyndŵr?

• Mae myfyrwyr Prifysgol Glyndŵr yn llenwi llawer o rolau o fewn sefydliadau ac mae gennym fyfyrwyr brwdfrydig sy’n arbenigo mewn sawl maes   
• Mae ein rhaglenni gradd yn datblygu sgiliau myfyrwyr ac yn eu helpu i fod yn barod ar gyfer y gweithle a gyrfaoedd graddedig  
• Fel rhan o’r Ganolfan Yrfaoedd, mae’r Siop Swyddi ym Mhrifysgol Glyndŵr yn dal i fod yn fan cysylltu cyntaf ar gyfer eich anghenion recriwtio. Boed yn recriwtio swyddi graddedig neu’n waith rhan-amser/gwyliau, gallwn gynnig y gwasanaethau hysbysebu sydd arnoch eu hangen   

Gyda pwy yr ydym yn gweithio

• Rydym yn gweithio gyda chyrff bach, canolig a mawr ledled Gogledd Ddwyrain Cymru, yn ogystal â chyrff cenedlaethol a chyrff rhyngwladol.   
• Mae gennym raglenni llwyddiannus o brofiad gwaith (dolen i’r dudalen GO Wales) a gwirfoddoli (dolen i’r dudalen Gwirfoddoli) sydd hefyd yn cydfynd â’n gwasanaethau Siop Swyddi.

Lanlwytho swyddi yn uniongyrchol

Lanlwythwch eich swyddi yn uniongyrchol i’r Siop Swyddi . Mae’n rhaid i’r swyddi gydsynio â Chôd Ymarfer y Siop Swyddi** (ar gael ar gais).

Barn cyrff eraill am y Siop Swyddi            

“Roeddem yn falch iawn gyda’r modd y deliodd Siop Swyddi Glyndŵr gyda’n swydd wag ac fwy na hapus gyda’r ymgeisydd llwyddiannus. Roedd yn ardderchog, yn ffitio i mewn yn dda iawn ac yn gweithio’n galed tra’r oedd yma. Buasem yn defnyddio eich gwasanaethau eto yn bendant.”   ”

“Roedd yr ymateb i fy nghais yn gyflym ac effeithlon - diolch!”

“Mae’r person a benodwyd wedi gallu cyflawni gofynion y swydd a dylid llongyfarch y Siop Swyddi am ein helpu i ddod o hyd i ymgeisydd addas.”  

“Hawdd ei ddefnyddio a staff cymwynasgar iawn.”

“Roedd safon yr unigolion yn uchel iawn….yn enwedig y sefydliad a’r gefnogaeth gan eich tîm.”

Cysylltwch â ni yn y Siop Swyddi

Rhif ffôn: 01978 293345

ebost: jobshop@glyndwr.ac.uk

gwefan: http://glyndwr.prospects.ac.uk/

*noder na chodir tâl fel arfer ar Asiantaethau Recriwtio i ddefnyddio ein gwasanaethau. Cysylltwch a ni am fanylion.  

** Ceidw tîm y Siop Swyddi yr hawl i wrthod hysbyseb swydd os nad ydyw’n cwrdd â’n safonau o fewn ein Côd Ymarfer (ar gael ar gais).