Myfyrwyr israddedig y DU: 2010/11

Cyflwyniad

Fel myfyryiwr/wraig israddedig llawn-amser yn cychwyn eich cwrs ym mis Medi 2010, dylech fod yn gwbl ymwybodol o’r modd y mae cyllid a nawdd myfyrwyr yn gweithio tra’n astudio mewn Prifysgol.

Yn ariannol, mae yna gostau sylweddol yn gysylltiedig â bod yn fyfyriwr/wraig llawn-amser, a nawdd ar gael i’ch helpu i leddfu rhai o’r costau yma.

Noder y bydd y rhan fwyaf o nawdd yn dibynnu ar ble’r ydych yn byw, incwm yr aelwyd a statws cyfredol.

Costau

Mae yna ddwy brif gost i’w hystyried os ydych yn gobeithio astudio yn llawn amser o fis Medi 2010:

• Eich ffioedd hyfforddi
• Eich costau byw

Eich ffioedd hyfforddi

Ar gyfer y flwyddyn academaidd 09/10, y ffioedd hyfforddi blynyddol ar gyfer myfyrwyr israeddig llawn-amser o’r DU yw £3,290.

Cofiwch, nid oes rhaid i chi dalu UNRHYW ffioedd hyfforddi yn uniongyrchol – er y gallwch wneud hynny os ydych yn dymuno. Yn hytrach, gallwch ohirio eich ffioedd nes y byddwch mewn gwaith cyflogedig ac yn ennill mwy na £15,000 y flwyddyn.

Er mwyn gohirio eich ffioedd mae’n rhaid i chi wneud cais am gan y Cwmni Benthyciadau Myfyrwyr ar y ffurflen PN1 (Myfyrwyr Newydd). Y ffurflen yma hefyd yw’r man cychwyn os ydych eisiau gwneud cais am unrhyw grantiau, h.y. Grantiau Dysgu y Cynulliad Cenedlaethol a Grantiau Cynhaliaeth â phrawf moddion.

Eich costau byw

Dyma fydd yn rhaid i chi gyllidebu ar eu cyfer er mwyn sicrhau eich bod yn gallu cychwyn, parhau a chwblhau eich astudiaethau. Mae’r rhain yn amlwg yn seiliedig ar amgylchiadau personol ond yn cynnwys cyfuniad o’r canlynol:

Llety – gall y rhain fod yn ystafelloedd Prifysgol neu eiddo perchnogaeth breifat neu a rentir yn breifat – fel arfer un o’r costau mwyaf sy’n gysylltiedig â bod yn fyfyriwr/wraig llawn-amser; sicrhewch eich bod yn cyllidebu i gynnwys pob cost gysylltiedig gan gynnwys biliau.

Costau  – bwyd, diod, lwfans byw cyffredinol – rhan sylweddol o gynllun ariannol blynyddol yn aml, felly mae’n bwysig cyllidebu fel y gallwch fyw’n iawn o fewn eich modd.

Costau astudio – costau astudio cysylltiedig i gynnwys llyfrau, tanysgrifiadau, costau astudio, teithiau maes, cludiant i ac o’r Brifysgol – mae yna lawer o ffyrdd i gadw’r rhain i lawr.

Nawdd

I hwyluso eich astudiaethau, mae nawdd ar gael trwy amryw o ffynonellau – noder fod gweinyddiaeth ar gyfer cymorth i fyfyrwyr wedi cael ei datganoli yn y DU ers peth amser.

Ar gyfer y flwyddyn academaidd 2010/11 bydd y cymorth sydd ar gael yn amrywio yn dibynnu o ba ran o’r DU yr ydych yn dod a phryd y gwnaethoch ddechrau eich cwrs.

Cliciwch ar y ddolen berthnasol isod i ddarganfod mwy – fel arall cysylltwch â’n Tîm Cyllid a Lles Myfyrwyr yn uniongyrchol trwy ffonio / ebostio.

• Grant Dysgu’r Cynulliad
• Grant Cynnal
• Benthyciad Cynnal (‘benthyciadau myfyrwyr’)
• Grantiau ychwanegol trwy gorff cyllido
• Bwrsarïau, Ysgoloriaethau a Grantiau Prifysgol Glyndŵr
• Cymorth Ariannol Ychwanegol

Grant Dysgu’r Cynulliad

Os ydych yn byw yng Nghymru fel arfer

Ar gyfer y flwyddyn academaidd 2010-11 mae’r Cynulliad wedi darparu system grantiau ddiwygiedig: 

• Mae grantiau cynnal â phrawf moddion wedi’u haenu gan incwm yr aelwyd ac yn ddibynnol ar ble’r ydych yn byw fel arfer.
• Nid oes rhaid talu’r grantiau hyn o £5,000 yn ôl, a bwriedir hwy i helpu i dalu am gostau cysylltiedig â’r cwrs.
• Os na thelir grant llawn, mae’n bosibl y gallai myfyrwyr fod yn gymwys am grant rhannol ar raddfa symudol o incwm yr aelwyd o hyd at £50,020.
• Bydd pob myfyriwr/wraig newydd sy’n byw yng Nghymru ac yn cymryd benthyciad cynnal o’r flwyddyn academaidd 2010/2011 yn derbyn hyd at £1,500 o gymorth talu dyledion gan Gyllid Myfyrwyr Cymru unwaith iddynt ddechrau talu eu benthyciad yn ôl.

Grant Cynnal

Os ydych yn byw yn Lloegr fel arfer

Yn 2010/11 bydd myfyrwyr sy’n cychwyn ar gwrs llawn-amser yn gymwys am yr un lefel o gymorth cynnal uniongyrchol a oedd ar gael i fyfyrwyr newydd yn 2009/10:

• Bydd y grant cynnal llawn yn dal i fod yn £2,906.
• Bydd y trothwy incwm teuluol ar gyfer grant cynnal llawn yn dal i fod yn £25,000.
• Bydd y trothwy incwm teuluol ar gyfer grant rhannol yn dal i fod yn £50,020.
• Bydd y trothwyon a’r benthyciadau cynnal uchaf yn dal i fod ar lefelau 2009/10, a allai fod cymaint â £4,950 y flwyddyn i fyfyrwyr sy’n byw i ffwrdd oddi cartref tu allan i Lundain.

Benthyciad Cynnal

Yn fwy adnabyddus fel Benthyciadau Myfyrwyr, gallech fod yn gymwys ar gyfer benthyciad cynhaliaeth myfyrwyr i dalu am eich treuliau cysylltiedig â chyrsiau. Telir yr arian yma i mi gan y Cwmni Benthyciadau Myfyrwyr. (Bydd angen i chi fod wedi llenwi ffurflen PN1.)

• Mae swm y benthyciad myfyrwyr yn dibynnu ar ble’r ydych yn byw, eich  incwm cartref a swm y grant cynhaliaeth y mae gennych hawl arno.
• Gall pob myfyriwr/wraig cymwys dderbyn 75% o’r cyfanswm benthyciad ni waeth beth fo eich incwm cartref. Mae’r 25% sy’n weddill yn dibynnu ar eich incwm cartref.
• Y cyfanswm benthyciad myfywyr fydd ar gael yn 2009/2010 yw £4,745.
• Telir y benthyciad myfyrwyr yn uniongyrchol i’ch cyfrif banc neu gymdeithas adeiladu mewn 3 taliad tymhorol.

Noder

Gwnewch yn siŵr eich bod yn gwneud cais am eich arian cyn gynted â phosibl. Fodd bynnag, mae’r dyddiadau cau ar gyfer gwneud cais (er mwyn sicrhau fod eich arian yn ei le erbyn dechrau eich cwrs gradd ym mis Medi 2010) fel a ganlyn:

Cymru

• 23 Ebrill - ceisiadau heb fod â phrawf moddion
• 28 Mai - ceisiadau â phrawf moddion

Lloegr

• 23 Ebrill 2010 – ceisiadau heb fod â phrawf moddion
• 26 June 2010 – ceisiadau â phrawf moddion

Am fwy o wybodaeth, ewch i’r Wefan cyllid ariannol briodol ar gyfer yr ardal o’r DU yr ydych yn byw ynddi fel arfer:

• Cymru
• Lloegr
• Yr Alban
• Gogledd Iwerddon

Talu benthyciadau yn öl

• Mae’n rhaid i fenthyciadau myfyrwyr gael eu talu’n ôl unwaith i chi adael eich cwrs a dechrau ennill mwy na £15,000 y flwyddyn.
• Tynnir arian fel arfer trwy’r system dreth PAYE gan eich cyflogwr yn yr un modd â threth incwm a chyfraniadau Yswiriant Cenedlaethol.
• Byddwch yn talu’n ôl ar raddfa o 9% o unrhyw swm y byddwch yn ei ennill dros £15,000 y flwyddyn.
• Mae’r amser y mae’n ei gymryd i dalu eich benthyciad myfyrwyr yn ôl yn dibynnu ar faint ydych yn ei ennill dros £15,000, faint sydd arnoch chi ac a ydych yn penderfynu gwneud taliadau gwirfoddol ychwanegol.
• Ar ôl 25 mlynedd bydd unrhyw ddyled heb ei thalu, ac eithrio ôl-ddyledion, yn cael ei dileu.
• Mae benthyciadau myfyrwyr yn denu graddfa isel o log, ar lefelau chwyddiant fel arfer. Mae hyn yn sicrhau fod gwerth y benthyciad sy’n cael ei dalu’n ôl yn aros yr un fath mewn termau real â’r swm a fenthyciwyd gennych. Mae mwy o wybodaeth ar gael gan wefan y Cwmni Benthyciadau Myfyrwyr.

Grantiau ychwanegol trwy gorff cyllido

Lwfans Myfyrwyr Anabl

Os ydych yn fyfyriwr/wraig anabl, bydd y Lwfans Myfyrwyr Anabl yn eich helpu gyda chostau a fydd yn dod i’ch rhan wrth i chi fynychu eich cwrs, o ganlyniad uniongyrchol i’ch anabledd.

Os yr ystyrir chi yn gymwys ac yn dibynnu ar eich anghenion, fe allai’r Lwfans, er enghraifft, roi cymorth i fyfyrwyr cymwys ar gyfer offer arbenigol, lwfans cynorthwy-ydd anfeddygol, neu helpu tuag at gostau teithio i Brifysgol Glyndŵr.

Myfyrwyr gyda dibynyddion

Os oes gennych blant neu ddibynyddion, fe allech fod yn gymwys ar gyfer cymorth ychwanegol fel y Grant Plant, y Grant Dibynyddion Mewn Oed neu’r Lwfans Dysgu Rhieini. Bydd eich awdurdod addysg lleol neu gorff cyllido cyfwerth yn gallu rhoi mwy o wybodaeth i chi.

Bwrsarïau, Ysgoloriaethau a Grantiau Prifysgol Glyndŵr

Bwrsari Prifysgol Glyndŵr

Mae Bwrsari Prifysgol Glyndŵr ar gael i bob myfyriwr/wraig israddedig llawn-amser o’r DU sy’n cwrdd â’r meini prawf sylfaenol.

Mae bwrsari Prifysgol Glyndŵr hyd at £500 ac yn cael ei gynnig ar dair lefel wahanol yn seiliedig ar incwm cartref eich teulu. Mae hwn yn daliad blynyddol i’ch helpu chi i dalu am gostau cysylltiedig â’ch cyrsiau, ac mae’n rhaid gwneud cais bob blwyddyn. Mae’r tair lefel fel a ganlyn:

a. £500* i bob myfyriwr/wraig gydag incwm cartref o hyd at £18,370

b. £450* i bob myfyriwr/wraig gydag incwm cartref o £18,371-£22,000

c. £350* i bob myfyriwr/wraig gydag incwm cartref o £22,001-£95,000

*Mae’r ffigurau hyn yn cynnwys Bwrsari Cenedlaethol Cymru o £319.

Bydd eich awdurdod addysg lleol (AALl) yn cynnal asesiad o ba mor gymwys ydych ac fel rhan o’r un ffurflen, pa mor gymwys ydych ar gyfer unrhyw gymorth arall yr hoffech wneud cais amdano, e.e., benthyciad ffi hyfforddi neu grant cynhaliaeth.

Er mwyn gwneud hyn mae’n rhaid i chi lenwi ffurflen PN1 (Myfyriwr/wraig Newydd) cyn gynted â phosibl. Dosberthir y ffurflenni hyn gan eich AALl neu gorff cyllido cyfwerth.

Noder fod yn rhaid i chi ddilyn y broses gwneud cais yma am bob blwyddyn o’ch astudiaeth, fodd bynnag mae’r bwrsari yn un parhaol, sy’n golygu y gellir ei gymhwyso i bob blwyddyn o astudio.

Ysgoloriaethau Prifysgol Glyndŵr

Ysgoloriaeth mabolgampwyr dawnus

Mae gan Brifysgol Glyndŵr sawl bwrsari ac ysgoloriaeth y gall eu gwobrwyo i gynorthwyo mabolgampwyr dawnus a myfyrwyr sy’n cymryd rhan mewn mabolg. Am fwy o wybodaeth, cysylltwch â Chwaraeon ym Mhrifysgol Glyndŵr ar 01978 293589..

Ysgoloriaeth gadawyr gofal
 
Mae Prifysgol Glyndŵr yn cynnig ysgoloriaeth i adawyr gofal cymwys sy’n astudio gwerth £1,000 y flwyddyn o astudio. Mae hyn yn unol ag Prifysgol Glyndŵr Marc Safon Ymddiriedolaeth Frank Buttle.

Gall ysgoloriaethau eraill fod ar gael hefyd ar sail gystadleuol gan gyflogwyr, banciau, neu gyrff dyngarol eraill. Fel man cychwyn, fe allech ddymuno chwilio’r we neu ddefnyddio safle adnodd fel: http://www.scholarship-search.org.uk

Cymorth ariannol ychwanegol

Rhaglenni nyrsio a gwaith cymdeithasol

Mae cymorth ariannol ar gyfer rhaglenni nyrsio a gwaith cymdeithasol ychydig yn wahanol i’r ddarpariaeth a amlinellir yn y wefan yma. Am fanylion ewch i www.support4learning.org

Gweler mwy o wybodaeth gan y Tîm Cyngor ac Arweiniad Lles Myfyrwyr.

Cymorth ychwanegol

Mae llawer o fyfyrwyr yn wynebu heriau ariannol ar ryw adeg yn ystod eu cwrs. Mae cyngor wrth law, ac mae’n bwysig eich bod yn ceisio cyngor cyn gynted â phosibl. Mae manylion ynghylch pwy sy’n gymwys a sut i wneud cais ar gael gan y Gyngor ac Arweiniad Lles Myfyrwyr.

Cronfa ariannol wrth gefn

Mae’r gronfa hon yn bodoli i ddarparu cymorth ariannol i fyfyrwyr sy’n cael trafferth i gwrdd â’u costau byw, ac mae’n bosibl na fydd yn rhaid i unrhyw arian a roddir gael ei dalu’n ôl.

Grantiau cychwynnol

Ar gael i fyfyrwyr parhaus cymwys ac wedi’u bwriadu i dalu am gostau sy’n ymwneud â chychwyn eich cwrs academaidd, fel teithio, gofal plant, llyfrau, neu offer.

Cysylltwch â ni

Nid yw’r broses o ariannu eich astudiaethau yn un syml, ond mae cymorth ar gael.

I siarad â rhywun am gyngor ac arweiniad pellach am ffioedd, bwrsarïau ac ysgoloriaethau Prifysgol Glyndŵr, neu wybodaeth gyffredinol am ariannu eich astudiaethau, cysylltwch â’r Tîm Cyngor ac Arweiniad Lles Myfyrwyr:

• Ebost: studentwelfare@glyndwr.ac.uk
• Tel: 01978 293295

Mynediad israddedig rhan-amser y DU: 2010/11

Cymorth ariannol

Os ydych yn gwneud cais i astudio cwrs rhan-amser sy’n arwain at radd israddedig, fe allai cymorth ariannol fod ar gael.

Bydd angen i chi lenwi ffurflen PTG1 wrth gofrestru, gydag adran chwech i’w chwblhau gan y Swyddfa Rhaglenni Myfyrwyr yn y Brifysgol. Mae faint o arian y gallwch ei gael yn dibynnu ar eich amgylchiadau personol, y math o gwrs ac ym mha ran o’r DU yr ydych yn byw.

Grantiau nad oes rhaid eu talu’n ôl

Mae yna ddau fath o grant nad oes rhaid eu talu’n ôl ar gael; grant ffi (i helpu gyda ffioedd hyfforddi) a grant cwrs (i helpu gyda chostau astudio cysylltiedig e.e. llyfrau, defnyddiau, teithiau). Mae cyfanswm y grant ffi sydd ar gael yn dibynnu’n rhannol ar ddwyster eich cwrs, h.y. dwyster y cwrs o’i gymharu â chwrs llawn-amser cyfatebol.

Nid oes cyfyngiad oedran ar gyfer ceisiadau am grant; fodd bynnag ni all myfyrwyr sydd â gradd yn barod wneud cais am y cymorth yma fel arfer.

Yn ogystal, mae Cyngor Cyllido Addysg Uwch Cymru (CCAUC) yn darparu cynllun dileu ffioedd i fyfyrwyr cymwys sydd yn byw yng Nghymru, yn ddi-waith ac wrthi'n chwilio am waith, neu sy'n derbyn budd-daliadau'r wladwriaeth. Ni fydd myfyrwyr sydd a gradd gyntaf yn barod yn gymwys i gael dileu eu ffioedd. am fwy o wybodaeth, cysylltwch a Lles a Chyllid Myfyrwyr ar 01978 293295 neu ebostiwch studentwelfare@glyndwr.ac.uk

Lwfans Myfyrwyr Anabl

Gall myfywyr rhan-amser gydag anableddau neu anawsterau dysgu penodol, sy’n astudio o leiaf 50% o gwrs llawn-amser, wneud cais am Lwfans Myfyrwyr Anabl.

Myfyrwyr gyda dibynyddion

Mae grantiau ychwanegol ar gael i fyfyrwyr rhan-amser cymwys gyda dibynyddion gan eich awdurdod addysg lleol.

Cronfa sriannol wrth gefn

Gall myfyrwyr sydd wedi cofrestru hefyd fod yn gymwys i wneud cais ar gyfer y gronfa yma, sy’n gallu talu am rai o’r costau/ffioedd sy’n gysylltiedig ag astudio yn rhan amser. Cysylltwch â’r Tîm Cyngor ac Arweiniad Lles Myfyrwyr am gymorth.

Ysgoloriaeth mabolgampwyr dawnus

Mae gan Brifysgol Glyndŵr sawl bwrsari ac ysgoloriaeth y gellir eu gwobrwyo i fabolgampwyr dawnus a myfyrwyr sy’n cymryd rhan mewn mabolgampau. Mae’r gwobrau yn cynnwys Gwobrau Hoci a Gwobrau Pêl-fasged o hyd at £1,800. Cysylltwch â ni am fwy o wybodaeth.

Ysgoloriaeth gadawyr gofal

Mae Prifysgol Glyndŵr yn cynnwys ysgoloriaeth i adawyr ysgol cymwys sy’n astudio o £1,000 y flwyddyn o astudiaeth. Mae hyn yn unol ag Prifysgol Glyndŵr Marc Safon Ymddiriedolaeth Frank Buttle.

Gall ysgoloriaethau eraill fod ar gael hefyd ar sail gystadleuol gan gyflogwyr, banciau neu gyrff dyngarol eraill. Fel man cychwyn, fe allech ddymuno chwilio ar y we neu ddefnyddio safle adnodd fel: http://www.scholarship-search.org.uk

Gwybodaeth am ffioedd

Mae ffioedd hyfforddi ar gyfer myfyrwyr israddedig rhan-amser yn amrywio yn dibynnu ar y cwrs a'r nifer o gredydau a ymgymerir. Am fwy o wybodaeth gweler ein gwefan amserlen y ffioedd 2010/11.

Cysylltwch â ni

Mae'r broses o ariannu astudiaethau rhan-amser yn wahanol i fyfyrwyr llawn-amser ac mae cymorth ar gael. I siarad â rhywun am gyngor ac arweiniad pellach am ffioedd, bwrsarïau ac ysgoloriaethau Prifysgol Glyndŵr, neu wybodaeth gyffredinol am ariannu eich astudiaethau, cysylltwch â’r Tîm Cyngor ac Arweiniad Lles Myfyrwyr:

• Ebost: studentwelfare@glyndwr.ac.uk
• Tel: 01978 293295

Gwefannau defnyddiol eraill

• www.support4learning.org
• www.studentfinancedirect.co.uk
• www.slc.co.uk

Asiantaethau ariannu

• Cymru
• Lloegr – neu Swyddfa Cefnogi Cwsmeriaid y Cwmni Benthyciadau Myfyrwyr (CSO) 0845 6077577
• Yr Alban
• Gogledd Iwerddon

Mae ffurflennu ariannu ar gael ar-lein.

Ymwadiad

Tra bod Prifysgol Glyndŵr wedi cymryd pob cam i sicrhau fod yr wybodaeth a geir uchod yn gywir wrth fynd i’r wasg, fe allai’r wybodaeth a geir yn y daflen hon newid pe bai penderfyniadau a wneir y tu allan i’r Brifysgol yn effeithio ar bolisïau a gweithdrefnau o ran ffioedd, bwrsarïau, grantiau a benthyciadau. Noder hefyd fod myfyrwyr cymwys yn cael eu hailasesu bob blwyddyn ar gyfer ffioedd, benthyciadau a grantiau, a rhaid iddynt ail wneud cais i’w Hawdurdod Addysg Lleol ar y ffurflen berthnasol bob blwyddyn. Yn dibynnu ar eich amgylchiadau unigol, fe allech fod yn gymwys ar gyfer cymorth ariannol ar wahân i’r cymorth a ddisgrifir yn y daflen hon.

Nodiadau

1. Darperir datganiadau ffioedd ar gyfer dibenion canllaw yn unig. Gallai rhai cyrsiau fynd i gostau ychwanegol megis aelodaeth gyda chyrff proffesiynol neu ffioedd defnyddiau. Cysylltwch â ni am fwy o fanylion.
2. Mae bwrsarïau a grantiau yn ffurfiau ar gymorth nad oes rhaid ei dalu’n ôl a ddarperir i’r rheiny sy’n gallu profi fod ganddynt angen ariannol neu’n cwrdd â meini prawf penodol eraill.
3. Mae ysgoloriaethau yn gymorth ariannol nad oes rhaid ei dalu’n ôl sydd yn seiliedig ar haeddiant, academaidd neu fel arall.