Urdd y Myfyrwyr

Mae Undeb y Myfyrwyr wedi ymuno â Phrifysgol Glyndŵr i ffurfio Urdd y Myfyrwyr newydd. Mae Urdd y Myfyrwyr yn cydweithio’n agos gyda’r Undeb Cenedlaethol Myfyrwyr (UCM) a hefyd gyda’r Brifysgolei hun. Mae Urdd y Myfyrwyr yn bodoli fel corff cynrychioladol ar gyfer y myfyrwyr. Mae’n cael ei redeg ar gyfer myfyrwyr, gan fyfyrwyr.

Yma yn Urdd y Myfyrwyr, yr ydym yn anelu i hyrwyddo lles a chydraddoldeb y myfyrwyr ym Mhrifysgol Glyndŵr. Rydym yma i gynnig cefnogaeth i unrhyw un sy’n teimlo fod ganddynt broblemau yn ystod eu cyfnod yn astudio yn y Brifysgol. 

Bydd Urdd y Myfyrwyr yn chwarae rhan hanfodol yn ystod eich amser ym Mhrifysgol Glyndŵr. Yn ogystal â chynnig cyngor, arweiniad a gwybodaeth, rydym hefyd yn helpu ac annog myfyrwyr i redeg a chymryd rhan mewn clybiau, cymdeithasau a’r Undeb Athletau.

Yn ogystal â hyn yr ydym yn anelu i gynnig ystod eang o adloniant i chi yn y bar, gan ddarparu ar gyfer pob chwaeth, fel y gallwn hybu eich profiad cymdeithasol yma ym Mhrifysgol Glyndŵr.

Cysylltwch â’r Ddesg Gwybodaeth Myfyrwyr yn y lle cyntaf am fwy o wybodaeth:

• Ebost: sid@glyndwr.ac.uk
• Ffôn: 01978 293439
• Testunwch "Glyndwr" i 81025