Gweithdrefn Gwyno

Os oes gennych unrhyw sylwadau am ansawdd neu ddarpariaeth gwasanaethau a chyfleusterau, yna dylech sôn am hyn cyn gynted ag y bo modd wrth aelod o dîm y Ddesg Wybodaeth (SID). Caiff pob cwyn/sylw eu trin yn hollol gyfrinachol. Bydd yr Ymgynghorwyr Gwasanaeth Cwsmeriaid yn ceisio ymateb yn brydlon ac yn deg trwy: 

• roi cyngor a chymorth os gofynnir amdanynt
• rhoi gwybod i chi beth sy’n digwydd gyda’ch sylw neu gŵyn

Dyma enghreifftiau o ymddygiad a allai gael ei ystyried fel camymddwyn, ond nid ydynt yn gyfyngedig i’r canlynol: -
Torri unrhyw un o'r ymrwymiadau sydd yn yr Amodau Deiliadaeth/Conditions of Occupancy.

• Ymosodiad corfforol neu rywiol ar berson arall. 
• Aflonyddu neu fwlio parhaus ar berson arall. 
• Difrod bwriadol i eiddo. 
• Dwyn neu dwyllo. 
• Cam-drin/difrïo yn llafar.
• Post neu ohebiaeth ddifrïol ac ymosodol drwy ddulliau electronig. 
• Esgeulustod difrifol sy’n achosi colled, difrod neu anaf annerbyniol. 
• Amharu ar iechyd a diogelwch gan achosi perygl i bobl neu eiddo. 
• Analluedd oherwydd alcohol. 
• Defnyddio sylweddau anghyfreithlon neu fod â rhai yn eich meddiant.
• Camymddwyn yn ymwneud ag astudiaethau proffesiynol myfyriwr.
• Camymddwyn yn ymwneud ag ymarfer a lleoliadau gwaith maes.
• Unrhyw weithred sy’n cael ei hystyried i fod yn rhoi enw drwg i’r Sefydliad.
• Unrhyw weithred sy’n digwydd naill ai ar eiddo Prifysgol Glyndŵr neu oddi arno a allai yn uniongyrchol neu’n anuniongyrchol effeithio ar fuddiannau Prifysgol Glyndŵr.

Nid bwriad y rhestr hon yw bod yn gynhwysfawr a gall unrhyw weithredu a ystyrir sy’n dwyn anfri ar Brifysgol Glyndŵr arwain at ddefnyddio’r gweithdrefnau disgyblu.

Mewn rhai achosion, mae’n bosibl y gall ymddygiad sy’n dod o fewn cwmpas y gweithdrefnau hyn hefyd fod yn destun cyhuddiad troseddol. Nid yw gwrandawiad llys sydd ar fin digwydd neu ymchwiliad gan yr heddlu o reidrwydd yn golygu gohirio gweithredu yn unol â’r gweithdrefnau hyn. Mae gan y Prifathro/Prif Weithredwr neu enwebai yr hawl i wahardd myfyriwr wrth aros am wrandawiad i gŵyn. 

Cyflwyno Cwyn
 
Gall cwyn ffurfiol am ymddygiad a ddisgrifir yn y paragraffau uchod ei wneud gan unrhyw fyfyriwr neu aelod o staff y Sefydliad neu gan bersonau neu asiantaethau sy’n allanol i’r Sefydliad. Rhaid i’r gŵyn fod yn ysgrifenedig a rhaid rhoi gwybod i Bennaeth y Gwasanaethau Masnachol. 

Egwyddorion

Dim ond ar ôl ymchwiliad llawn i’r achos y caiff camau disgyblu eu cymryd yn erbyn myfyriwr.

Ar bob cam bydd myfyriwr yn cael y cyfle i gyflwyno ei achos, ac yn cael eu cynrychioli, os ydynt yn dymuno, mewn unrhyw wrandawiad gan swyddog o Undeb y Myfyrwyr neu gan ffrind.