Llaneurgain a’r ardal leol

Lleoliad ardderchog

Wedi’i leoli yn nghanol cefn gwlad hardd gogledd Cymru, mae ganddo’r fantais hefyd o fod yn llai na 15 milltir i ffwrdd o Wrecsam a Chaer.

Mae yna orsaf reilffordd prif lein yn y Fflint gwta 4 milltir i ffwrdd, ac mae’r campws wedi ei leoli gerllaw Ffordd Gyflym Gogledd Cymru, yr A55, gan ei gysylltu’n gyflym a rhwydwaith o draffyrdd y DU. 

Siopa a’r celfyddydau o fewn cyrraedd rhwydd

Ma tref farchnad hanesyddol yr Wyddgrug gwta dair milltir i ffwrdd.

Yn ogystal â bod yn ganolfan siopa, llywodraeth leol a chyflogaeth, mae’r Wyddgrug yn gartref i’r enwog Clwyd Theatr Cymru, sy’n denu rhai o’r enwau mwyaf ym myd theatr, diwylliant a’r celfyddydau yn rheolaidd.

Mae gan yr Wyddgrug hefyd archfarchnad Tesco 24 awr, canolfan hamdden ac ystod eang o adnoddau eraill gan gynnwys marchnad stryd bob dydd Mercher a dydd Sadwrn. 

Sir y Fflint – sir o gyferbyniadau

Sir y Fflint yw un o’r siroedd hynaf a mwyaf neilltuol yng Nghymru.

Mae ganddi hanes cyfoethog ac yn gartref i bopeth o ffynhonnau hanesyddol i oleudai hardd a pharciau gwledig.

Mae gan y sir gyfoeth o weithgareddau hamdden a diwylliant a chefn gwlad hardd, heb ei ddifetha.

Yn yr ardal ehangach, mae’n lle gwych i fyw ar gyfer pobl sy’n mwynhau gweithgareddau awyr agored megis beicio mynydd, chwaraeon dŵr, cerdded, mynydda a dringo creigiau – i gyd mwy neu lai ar garreg y drws.

Harddwch naturiol

Mae Bryniau Clwyd yn Ardal o Harddwch Naturiol Eithriadol; o’u man uchaf, Moel Famau, sy’n 550m, ceir golygfeydd trawiadol dros Aber Dyfrdwy, gyda Lerpwl i’r gogledd ac Eryri i’r gorllewin.
  
Mae Clawdd Offa yn rhedeg trwy’r ardal a cheir llwybr tuag at domen neolithig Y Gop, o ble gallwch fwynhau golygfa 360 gradd glir o gefn gwlad Sir y Fflint o amgylch.

Yn ddiweddar, enwyd Traphont Ddŵr Pontcysyllte, ger Llangollen yn Sir Ddinbych, yn Safle Treftadaeth y Byd diweddaraf y DU, a gerllaw mae Glannau Dyfrdwy yn gartref i rinc sglefrio rhew maint Olympaidd.

Goleuadau llachar a gweithgareddau awyr agored

Diolch i ffordd a chysylltiadau rheilffordd rhagorol, mae dinasoedd Manceinion a Lerpwl yn hawdd eu cyrraedd o’r campws, yn yr un modd â’r ffordd arfordirol drawiadol sy’n rhedeg yn gyfochrog â Chonwy, Pen y Gogarth, Deganwy a thu hwnt.
 
Mae Parc Cenedlaethol Eryri yn llai na 50 milltir i ffwrdd, gerllaw ardal hardd Pen Llŷn a phentref Eidalaidd ei naws Portmeirion.
 
Os mai gweithgareddau gwledig neu ddinesig sy’n mynd â’ch bryd yn bennaf, bydd popeth o fewn cyrraedd rhwydd i chi o’r campws yn Llaneurgain.