Arddangosfeydd blaenorol

Mister Mercer

31 Mawrth 2011 - 31 Awst 2011
Wedi’i henwi ar ôl archeolegydd Americanaidd a gododd y castell concrid cyntaf yn y byd, mae ‘Mister Mercer’ yn arddangosfa gan Sarah Macdonald, Eleanor Wright a Richard Whitby.

Mae gan yr artistiaid ddiddordeb mewn pensaernïaeth, gofod a sgil-effeithiau penderfyniadau annirnadwy a wnaed ynghylch amgylcheddau adeiledig. Trwy gyfrwng paent, fideo a gosodwaith, maent yn dangos hoffter o felancoli llefydd anial ac amhariadau rhyfedd ar ffurfiau a delweddau sy’n bodoli’n barod.

Arddangosfa bresennol

YM MHOB FFORDD NEU LE / OLLERPLEX UN-PLEX

MELANIE COUNSELL - SEAN EDWARDS - VICKY FALCONER - IRENA KALODERA - MARGARET MALCOLM - FLORENCE PARADEIS - EXTENDED PLAY - KIEREN REED - HUGUES REIP - SPLITT

12 Hydref 2011 – 17 Chwefror 2012

Mae teitl yr arddangosfa yn gydnabyddiaeth chwareus o leoliad Oriel Sycharth. Ystyrir ei lleoliad daearyddol fel mantais gan Melanie Counsell, sy’n dod â chriw amryfal ac amrywiol o artistiaid o Gymru, yr Alban, Lloegr a Ffrainc at ei gilydd, gan roi cyfle unigryw iddynt fentro a rhoi tro ar waith celf heb ei brofi, heb ei ddatrys neu heb ei weld hyd yma.

Mae’r arddangosfa yn cynnwys ffotograffau, cerfluniau, cerddoriaeth, gwaith sain a pherfformiad gan artistiaid sy’n gweithio mewn ffyrdd amrywiol ac ar wahanol gyfnodau yn eu gyrfaoedd, a phob un yn cynnig sampl fechan o’u harfer presennol.