Ymarfer Cymunedol Arbenigol

MSc Ymarfer Cymunedol Arbenigol
(Nyrsio Ardal, Nyrsio Meddygfa Deuluol, Nyrsio Plant Cymunedol)

Mae’r MSc Ymarfer Cymunedol Arbenigol yn cynnwys theori a dysgu seiliedig ar ymarfer. Mae’n eich galluogi i hybu eich sgiliau proffesiynol i lefel arbenigol mewn un o dri llwybr – nyrsio ardal, nyrsio meddygfa deuluol a nyrsio plant cymunedol. Mae cynllun y rhaglen yn unol â’r gofynion statudol a osodwyd gan y Cyngor Nyrsio a Bydwreigiaeth (CNB). Y mae wedi ei seilio mewn ymarfer nyrsio cymunedol yn y meysydd a ddynodwyd. 

Nodweddion arbennig

• Cwblhewch y diploma uwchraddedig yn llwyddiannus a gallwch gofnodi cymhwyster Ymarfer Cymunedol Arbenigol gyda’r CNB fel nyrs ardal, nyrs meddygfa deuluol neu nyrs plant cymunedol.
• Cwblhewch y rhaglen Rhagnodi Nyrs Cymunedol (V100) yn llwyddiannus a byddwch hefyd yn gallu cofnodi’r cymhwyster yma gyda’r CNB.
• Mae’r radd yn eich paratoi ar gyfer ymarfer trwy ddysgu ac asesu yn y cyd-destun ymarfer.
• Byddwch yn gallu cyflwyno asesiadau yn Gymraeg neu Saesneg.
• Os ydych yn dymuno, gallwch ddychwelyd i gwblhau traethawd estynedig yn rhan amser a chael y radd meistr yn dilyn cyfnod o gadarnhau ymarfer – un mlynedd fel arfer.

Cyfleoedd gyrfaol

Cwblhewch y rhaglen a byddwch yn gallu asesu a rheoli risg. Byddwch hefyd yn hyderus i wneud penderfyniadau mewn sefyllfaoedd cymhleth ac anrhagweladwy trwy ddefnyddio eich pen a’ch pastwn eich hun ac ymgymryd â chyfrifoldeb personol.

Cwblhewch y diploma uwchraddedig yn llwyddiannus a gallwch gofnodi cymwysterau nyrs ardal, nyrs meddygfa deuluol neu nyrs plant cymunedol a nyrs gymunedol sy’n rhagnodi gyda’r CNB. Os byddwch yn dewis cario ymlaen i astudio ar lefel meistr, byddwch yn gallu mynd ymlaen i ymgymryd ag astudiaeth ar lefel ddoethurol. Bydd y rhaglen lefel meistr yn hybu eich arbenigedd ymchwil ac yn datblygu eich sgiliau mewn gwerthuso a gwreiddioldeb meddwl.  

Cynnwys y cwrs

• Proses Ymholi
• Materion Proffesiynol ac Arweinyddiaeth
• Hybu Iechyd ac Addysg
• Rhagnodi Nyrs Cymunedol (Lefel 6)
• Modiwl (Portffolio) Datblygiad Proffesiynol Parhaus (Lefel 6)

Modiwlau llwybr benodol

Llwybr Nyrsio Ardal

• Trin Afiechydon Cronig
• Gofal Lliniarol

Llwybr Nyrsio Meddygfa Deuluol

• Mân Anhwylderau
• Trin Clefyd Coronaidd y Galon yn y Gymuned
  neu
• Trin Afiechydon Cronig

Llwybr Nyrsio Plant Cymunedol

• Gweithio gyda Theuluoedd
• Trin Plant Sâl o fewn y Gymuned

Asesu

Aseiniadau ysgrifenedig, myfyrdodau ac arholiadau byr, a phortffolio sy’n asesu gallu mewn ymarfer.

Gofynion mynediad

Bydd arnoch angen gradd anrhydedd mewn nyrsio neu ddisgyblaeth gytras; er mwyn cael eich cyflogi mewn swydd nyrsio cymunedol (h.y. nyrsio ardal, nyrsio meddygfa deuluol or nyrsio plant cymunedol) neu allu sicrhau lleoliad sy’n gyfwerth â’r uchod; cael o leiaf 2 flynedd o brofiad nyrsio ôl-gofrestru a chwrdd â’r gofynion proffesiynol ar gyfer eich dewis lwybr.

Y rhain yw:

Ar gyfer y llwybr nyrsio ardal: bod wedi’ch cofrestru ar Ran 1 o Gofrestr y CNB (sy’n cyfateb i Rannau 1 neu 12 o Gofrestr yr UKCC.

Ar gyfer y llwybr nyrsio meddygfa deuluol: bod wedi’ch cofrestru ar Ran 1 o Gofrestr y CNB (sy’n cyfateb i Rannau 1, 8, 12 neu 15 o Gofrestr yr UKCC).

Ar gyfer y llwybr nyrsio plant cymunedol: bod wedi’ch cofrestru ar Ran 1 o Gofrestr y CNB (sy’n cyfateb i Rannau 8 neu 15 o Gofrestr yr UKCC).

Gweler hefyd y wybodaeth am yr .

Hyd y cwrs

Llawn amser: 1 mlynedd
Rhan amser: 2-3 blynedd