Rheolaeth
MSc Rheolaeth
Mae’r byd Rheolaeth yn datblygu drwy'r amser, gan addasu i ffyrdd rheoli gwahanol ac amrywiol mewn arweinyddiaeth. Bydd y cwrs MSc Rheolaeth hwn yn rhoi’r hyder i chi gydbwyso anghenion pobl ag effeithlonrwydd y dasg mewn byd sy’n brin ei adnoddau.
Bydd ein MSc mewn Rheolaeth yn rhoi addysg eang mewn rheoli a busnes i chi. Bydd yn datblygu eich sgiliau dadansoddi a’ch sgiliau ymwneud â phobl, gan eich galluogi i ddefnyddio eich gwybodaeth yn greadigol, a gwella rheolaeth ac arferion busnes.
Cewch ennill persbectif eang ar faterion rheoli a busnes a'r amgylchiadau pan maent yn berthnasol mewn sefydliad. Cewch fireinio ac adeiladu ar eich sgiliau cyfathrebu, gwaith tîm, a sgiliau cyflwyno trwy waith yn unigol ac mewn grŵp. Cewch ddatblygu eich sgiliau personol a phroffesiynol o ran gwneud penderfyniadau, datrys problemau, dadansoddi, ac adfyfyrio beirniadol.
Prif ffeithiau
- Mae ein MSc Rheolaeth wedi'i gynllunio i ddatblygu sgiliau sydd gennych eisoes drwy gynllun astudio arbenigol ac ar lefel uwch
- Bydd y cwrs yn rhoi hyfforddiant dadansoddol perthnasol i sicrhau eich bod yn gyfarwydd â'r datblygiadau damcaniaethol ac ymarferol diweddaraf sy’n ymwneud â marchnata a rheoli
- Byddwch yn gallu deall y fframwaith damcaniaethol cydlynol ar gyfer y gwahanol feysydd pwnc, a'u defnyddio yn ymarferol mewn amgylchiadau byd go-iawn
- Staff academaidd sydd â phrofiad diwydiannol
- Yr hyblygrwydd i arbenigo ar ôl rhan gyntaf y cwrs
- Mynediad at gyflogwyr Prydeinig a rhyngwladol o bwys yn y diwydiannau gwasanaeth a chynhyrchu.
Er mwyn llwyddo yn amgylchedd busnes yr oes sydd ohoni, mae’n rhaid i bob rheolwr ddeall ac ymateb i oblygiadau newidiadau ariannol, gweithrediadol, strategol a sefydliadol, yn ogystal â deall sut i reoli ac ysgogi pobl. Wrth graidd pob gweithgaredd rheoli mae yna broblem sylfaenol (a chyffredin), sef sut i gyflwyno adnoddau cyfyngedig mewn ffyrdd sy’n sicrhau canlyniadau gwell, a rheoli prosesau sy’n ychwanegu gwerth wrth ddilyn amcanion sefydliadol.
Mae’r cwrs yn ddelfrydol i chi os ydych wedi graddio’n ddiweddar ac yn chwilio am gymhwyster ôl-raddedig i roi mantais gystadleuol i chi yn y farchnad; neu os ydych yn entrepreneur sy’n dymuno datblygu eich sgiliau rheolaethol i ddechrau neu ehangu eich busnes eich hun, neu os ydych yn rheolwr neu’n ymgynghorydd rheolaeth a’ch gradd gyntaf mewn pwnc heblaw busnes neu reolaeth.
Hyd y cwrs
Llawn amser
Blwyddyn
Lleoliad: Wrecsam
Mis dechrau: Medi
Cyfleoedd gyrfa
Bydd cwblhau’r cwrs hwn yn llwyddiannus yn eich darparu â’r sgiliau a’r wybodaeth sy’n ofynnol ar gyfer swyddi uwch reolwyr ledled y sector busnes neu ar gyfer rheoli eich cwmni eich hun.
Cynnwys y cwrs
Yng ngham un, mae pedwar modiwl craidd cyffredin y mae’n rhaid i chi eu hastudio. Yna yng ngham dau, cewch ddewis dau fodiwl o restr o fodiwlau.
Rhan 1 Cam 1 (Tystysgrif Ôl-raddedig)
- Arwain a Rheoli Pobl
- Cyllid a Systemau Gwybodaeth ar gyfer Rheolwyr
- Datblygu Mantais Gystadleuol
- Sicrhau Llwyddiant Corfforaethol
Cam 2 (Diploma Ôl-raddedig)
- Bydd dewis o opsiynau ar gael o amrywiaeth o fodiwlau sy'n eich galluogi i naill ai barhau i astudio’n eang neu i arbenigo mewn meysydd penodol yn y byd busnes megis cyllid, adnoddau dynol, marchnata, ac ati.
Rhan 2 (MSc)
- Traethawd estynedig Meistr
Gofynion derbyn
Y gofynion derbyn yw gradd anrhydedd dda (neu gyfwerth) neu gymhwyster ôl-raddedig neu gymhwyster proffesiynol perthnasol. Fel arall, fe ellid derbyn cymhwyster anraddedig y mae’r brifysgol yn ei ystyried yn dderbyniol ar gyfer mynediad ôl-raddedig os yw’n cynnwys digon o elfennau rheolaeth ynghyd â phrofiad cyflogaeth perthnasol. Gallwn gynnal cyfweliad er mwyn rhoi cyfle i chi ddarparu tystiolaeth o’ch addasrwydd ar gyfer y cwrs hwn.
Asesu
Caiff amrywiaeth o strategaethau asesu eu defnyddio gan diwtoriaid academaidd ar y cwrs hwn. Mae asesiadau yn cynnwys arholiadau ysgrifenedig ffurfiol, cyflwyniadau, prosiectau gwaith grŵp a gwaith ymchwil annibynnol.
Os ydych yn fyfyriwr/wraig o’r DU neu’r UE ac eisiau mwy o wybodaeth, neu er mwyn trafod unrhyw agwedd benodol ar y cwrs yma neu broses dderbyn ein Ysgol Fusnes, cysylltwch â SID (Desg Gwybodaeth Myfyrwyr).
