Celfyddydau Cymhwysol Cyfoes

MA Celfyddydau Cymhwysol Cyfoes

Mae’r cwrs MA Celfyddydau Cymhwysol Cyfoes yn datblygu eich arfer creadigol a’ch sgiliau cysyniadol. Mae’r cwrs wedi cael ei ddatblygu i annog cwestiynu arfer cyfredol a chydnabod cyfleoedd ar gyfer syniadau newydd trwy’r defnyddiau yr ydych yn gweithio gyda nhw. Trwy’r defnyddiau hyn, bydd eich syniadau yn datblygu eich gwerthfawrogiad deallusol o ddylunio o ansawdd da a ellir eu cymhwyso mewn cymwysiadau ymarferol. Byddwch yn dysgu sut i ddefnyddio’r defnyddiau hyn yn ddeallus – edrych ar y modd y gallant fynegi’r syniadau sydd gennych er mwyn gwella’r amgylchedd gweledol gymhleth o’n cwmpas.    

Y defnyddiau a ddefnyddir yn y cwrs yma yw gwydr, cerameg, gwaith metel a chyfryngau cysylltiedig â gemwaith. Mae’r rhain yn ddefnyddiau ar gyfer datblygiad arbenigol yn dilyn o’ch profiadau blaenorol, a ble mae’r syniadau yn deilwng gallant hefyd gael eu cyfuno yng nghynnydd syniadau a dyluniadau. Mae’r posibiliadau ar gyfer arloesi a chreadigrwydd yn ddibendraw.

Diolch i strwythur y cyrsiau meistr yn Ysgol Gelf a Dylunio Gogledd Cymru, mae yna gyfle i archwilio eich syniadau mewn meysydd cysylltiedig o ddiddordeb arbenigol. Gallwch fynd â’ch gwaith i feysydd newydd trwy gydweithrediadau cytunedig, datblygu meysydd newydd trwy gydweithio’n agos gyda phobl eraill ar brosiectau ymchwil penodol a manteisio ar y cyfle i ailwerthuso eich arfer. Mae’r cwrs yn annog archwilio genres gwahanol i’r rhai sy’n bodoli’n barod.

Nodweddion arbennig

Mae gan yr Ysgol gysylltiadau gwych gydag ysgolion a phrifysgolion dylunio a chyfryngau eraill ledled y byd. Mae’r rhain yn darparu cyfleoedd ar gyfer ymweliadau astudio posibl a chyfnewidfeydd myfyrwyr. Mae’r partneriaethau hyn yn cynnwys Academi Domus, Milan/Rhufain; Academi Italiana, Fflorens/Rhufain; Yr Academi Gelf a Dylunio yn Sofia; ICAT, Chennai, India a Phrifysgol Renmin, Beijing, Tsieina.

Cyfleoedd gyrfaol

Mae’r cyfleoedd i fyfyrwyr ar ddiwedd y cwrs yn dda iawn. Roedd 92% o’n holl raddedigion ac uwchraddedigion mewn gwaith cysylltiedig â’u gradd o fewn 12 mis ar ôl graddio.

Rydym yn anelu i sicrhau fod gan Ysgol Gelf a Dylunio Gogledd Cymru bortffolio o waith ac ystod o sgiliau sydd nid yn unig yn eu helpu i ddod o hyd i swydd yn y diwydiant dylunio a chyfryngau, ond hefyd yn eu helpu i hybu eu gyrfaoedd a gweithio o fewn ystod o senarios gwaith. Credwn ei bod yn bwysig iawn i fyfyrwyr allu gweithio yn rhyngwladol.

Cynnwys y cwrs

Mae eich astudiaethau arbenigol wrth galon y cwrs yma. Ynghyd â chefnogaeth diwtorial, rydym yn darparu modiwlau mewn methodolegau ymchwil ac ymarfer i’ch helpu i ddod o hyd i a datblygu syniadau a themâu. Byddwch yn cael cyfleoedd i gydweithredu a gweithio gyda myfyrwyr o ddisgyblaethau eraill; gall hyn fod yn brosiect masnachol yn ogystal. Byddwch yn ymgymryd â thraethawd estynedig a chyflwyniad meistr.

Asesu

Ar ddiwedd pob prif gyfnod, asesir eich gwaith yn gryno, ar ffurf beirniadaethau, seminarau, adolygiadau gan gyfoedion ac atborth unigol trwy diwtorialau. Mae asesu diwedd un y cwrs ar ffurf arddangosfa a sioe derfynol. Mae myfyrwyr hefyd yn cael y cyfle i arddangos eu gwaith yn allanol i’r Brifysgol. Mae arddangosfa y Dylunwyr Newydd yn Llundain yn un enghraifft.

Gofynion mynediad

Mae’n rhaid i chi fod â gradd anrhydedd mewn pwnc perthnasol. Os ydych yn dymuno ymuno â’r cwrs ar adeg ac eithrio dechrau’r rhaglen trwy gario credydau lefel meistr presennol, bydd eithriadau o gyfnod cynnar y cwrs yn cael eu hystyried.

Hyd y cwrs

Llawn amser: 1 mlynedd
Rhan amser: 2-3 blynedd