Dyslecsia

Tystysgrif Uwchraddedig mewn Dyslecsia*

Cwrs wedi’i achredu gan Gymdeithas Dyslecsia Prydain sy’n arwain at Statws Athro Cymeradwyedig (ATS) / Aelodaeth Gyswllt o Gymdeithas Dyslecsia Prydain (AMBDA).

Nod y cwrs yw gwella gwybodaeth, sgiliau a hyder athrawon i weithio gyda disgyblion sydd ag Anawsterau Dysgu Penodol, dyslecsia yn arbennig. Byddai o ddiddordeb i ymarferwyr, o unrhyw Gyfnod Allweddol, sy’n dymuno dynodi a chefnogi disgyblion yn eu lleoliad sydd â dyslecsia.

Cynigir y cwrs yn rhan-amser a’i gynnal ar ddydd Sadwrn gydol y flwyddyn academaidd, gan ddechrau ym mis Hydref 2011. Addysgir y modiwlau trwy sesiynau addysgu wyneb-yn-wyneb (pump ym mhob modiwl), gweithgareddau ysgol a gweithdai. Bydd yna hefyd gyfleoedd rheolaidd ar gyfer tiwtorialau i unigolion neu grwpiau bychain.

*yn amodol ar gael ei ddilysu

Cynnwys y cwrs

Modiwl 1
Nodweddion dyslecsia a goblygiadau ar gyfer addysgu
Damcaniaethau achosiad
Ysgrifennu cynlluniau dysgu

Modiwl 2
Edrych ar raglenni ymyrryd amlsynhwyraidd
Gwella sgiliau trefnu ac astudio
Datblygu Ysgolion Ystyriol o Ddyslecsia

Modiwl 3
Ymchwil gyfredol
Asesiadau seicometrig
Ysgrifennu adroddiadau diagnostig

Strwythur y cwrs

Bydd cwblhau Modiwl 1 (Dirnad dyslecsia: arfer seiliedig-ar-ymchwil) a Modiwl 2 (Addysgu a Chefnogi Dysgwyr gyda Dyslecsia) yn arwain at Dystysgrif Uwchraddedig yn ogystal â galluogi ymgeiswyr i wneud cais i Gymdeithas Dyslecsia Prydain am Statws Athro Cymeradwyedig, ATS; cymhwyster arbenigol a gydnabyddir fwyfwy gan Awdurdodau Lleol a chyflogwyr eraill. Bydd mynd ymlaen i gwblhau modiwl 30 credyd ychwanegol (Dyslecsia: Arfer Proffesiynol Uwch i athrawon) yn arwain at Aelodaeth Gyswllt o Gymdeithas Prydain, AMBDA.

Gallai’r athrawon hynny sydd eisoes yn meddu ar gymhwyster Dyslecsia/ SpLD (anawsterau dysgu penodol) cydnabeddig ar Lefel ATS fod â diddordeb mewn cael cymwysterau ychwanegol er mwyn cyflawni statws AMBDA.

Gallai’r ymgeiswyr ddewis parhau â modiwlau ychwanegol a gweithio tuag at eu gradd Meistr.

Asesu

Asesir y cwrs trwy bortffolio o dystiolaeth, gweithgareddau ymchwil ac arsylwi arfer addysgu.

Gofynion y cwrs

Dylai ymgeiswyr (ac eithrio therapyddion iaith a lleferydd a seicolegwyr) feddu ar radd gyntaf ac o leiaf dwy flynedd o brofiad addysgu. Dylai ymgeiswyr hefyd gael llythyr o gefnogaeth o’u hysgol a meddu ar Ddatgeliad Swyddfa Cofnodion Troseddol Manylach.

Sut i wneud cais

Mae ffurflenni cais uniongyrchol ar gael yma neu gan y tîm Derbyn ac Ymholiadau ar 01978 293439.

Os oes gennych fwy o gwestiynau, cysylltwch â Jayne Evans, Uwch Ddarlithydd mewn Anghenion Dysgu Arbennig/Ychwanegol.

Rhif ffôn: 01978 293543
j.evans@glyndwr.ac.uk