Datblygiad Proffesiynol (Addysg)
Tystysgrif Ôl-radd mewn Datblygiad Proffesiynol (Addysg)
Diploma Ôl-radd mewn Datblygiad Proffesiynol (Addysg)
Mae’r rhaglen hon yn cynnig DPP achrededig a hyblyg i athrawon, gan eu galluogi i adeiladu portffolio strwythuredig o dystiolaeth o’u hymarfer.
Mae'r Dystysgrif Ôl-radd mewn Datblygiad Proffesiynol (Addysg) yn rhoi i chi Ddatblygiad Proffesiynol Parhaus (DPP) a fydd yn eich galluogi i fodloni safonau Athro Newydd Gymhwyso (NQT). Mae'r Diploma Ôl-radd mewn Datblygiad Proffesiynol (Addysg) wedi'i gynllunio i ddarparu datblygiad proffesiynol ar gyfer athrawon sydd wrthi’n addysgu. Nod y ddwy raglen yw ceisio cysylltu theori ag ymarfer y rheiny sy’n astudio’r cwrs, a hynny er mwyn i’r manteision wir gael eu teimlo gan yr Athrawon Newydd Gymhwyso a’u hysgolion.
Prif ffeithiau
- Mae Prifysgol Glyndŵr yn gweithio mewn partneriaeth â chyflogwyr, sefydliadau ac asiantaethau cysylltiedig. Rydym yn cydweithio'n agos ag ysgolion, colegau addysg bellach ac awdurdodau addysg lleol i gynnig cyfleoedd DPP cynhwysfawr i athrawon. Mae'r partneriaethau hyn yn ganolog wrth sicrhau bod pob rhaglen yn addas i'r diben ac yn cynnig y cyfle gorau o ran cyflogaeth a dilyniant gyrfa
- Cynlluniwyd y cyrsiau hyn wedi ei gynllunio mewn partneriaeth ag awdurdodau addysg lleol, asiantaethau proffesiynol ac ymgynghorwyr blaenllaw
- Bydd y cyrsiau hyn yn gwella eich ymarfer ac yn cryfhau'r cyswllt sydd gennych rhwng addysgu ac ymchwil
Hyd y cwrs
Rhan-amser
Tystysgrif Ôl-radd: blwyddyn i 4 blynedd
Diploma Ôl-radd: 2 i 4 blynedd
Lleoliad: Wrecsam, Sir y Fflint, Sir Ddinbych
Mis dechrau: Hydref/Chwefror
Cyfleoedd gyrfa
Mae'r cyrsiau yn cynnig datblygiad proffesiynol parhaus ar gyfer athrawon a fydd yn eu rhoi ar y blaen mewn marchnad cyflogaeth gystadleuol.
Cynnwys y cwrs
Cynlluniwyd y cwrs i ddarparu datblygiad proffesiynol i athrawon wrth eu gwaith ac mae wedi ei achredu gan Brifysgol Cymru. Mae’n rhaid astudio a chyflawni 60 credyd er mwyn cael y Dystysgrif Ôl-radd mewn Datblygiad Proffesiynol (Addysg). Mae'r Diploma Ôl-radd mewn Datblygiad Proffesiynol (Addysg) yn cynnwys nifer o wahanol fodiwlau y gellir eu grwpio gyda'i gilydd.
Tystysgrif Ôl-radd mewn Datblygiad Proffesiynol (Addysg)
- Yr Ymarferydd Adfyfyriol
- Dysgu wrth Addysgu
- Rheoli Ymddygiad Cadarnhaol
Diploma Ôl-radd mewn Datblygiad Proffesiynol (Addysg)
- Atebolrwydd, Gwerthuso a Gwella Ysgolion
- Cynllunio Strategol a Datblygiad ar gyfer Gwella Ysgolion
- Arwain a Rheoli Staff
- Arsylwi yn y Dosbarth
- Mentora mewn Ymarfer
- Gweithredu Ymchwil ar gyfer Gwella Ysgolion
- Cydweithio i gael Ysgol Effeithiol
- Addysgeg i Gymru yn yr 21ain Ganrif
- Datblygu meddwl ac asesu ar gyfer dysgu
- Pontio
- Y Cwricwlwm Cymreig
- Cynhwysiad/AAA
- Addysg, Dinasyddiaeth a Meddwl yn Feirniadol
- Techniquest - Rhifedd a Datrys Problemau
- Techniquest - Datblygiad Sgiliau Meddwl
- Techniquest - Cynaliadwyedd, Addysg ar gyfer Datblygu Cynaliadwy a Dinasyddiaeth Fyd-eang
- Datblygiad Corfforol ac Addysg Gorfforol - rhoi theori ar waith
- Datblygu Iechyd a lles Emosiynol
- Gweithio mewn Partneriaeth
- Cyflwyniad i Addysgu Sgiliau Sylfaenol trwy’r Cwricwlwm
- Sgiliau Sylfaenol mewn Pontio - Rhifedd
- Sgiliau Sylfaenol mewn Pontio - Llythrennedd
- Asesu ar gyfer Strategaethau Dysgu
Gofynion derbyn
Rhaid i athrawon fod â Statws Athro Cymwysedig.
Asesu
Byddwch yn gwneud aseiniadau ymarferol drwy gydol y cwrs. Mae tîm y cwrs yn barod i dderbyn defnydd creadigol o strategaethau asesu sy’n hwyluso ac yn cefnogi arddulliau dysgwyr wrth ddysgu. Mae yna ddulliau asesu amrywiol, gan gynnwys gwaith ysgrifenedig, portffolios, a chyflwyniadau. Yn arbennig, bydd yr asesiad yn galluogi theori i lywio ymarfer ac yn rhoi modd i gyfranogwyr fyfyrio'n feirniadol ar ansawdd arweinyddiaeth, rheolaeth, dysgu ac addysgu yn eu hysgolion, yn ogystal â’u gwella lle bo hynny’n bosibl.