Doethuriaeth Broffesiynol mewn Crefydd ac Addysg

Prif ffeithiau

• Datblygwyd y rhaglen a’i chyflenwi mewn cydweithrediad â Chanolfan y Santes Fair a San Silyn.
• Mae’r Ganolfan Astudiaethau Gweinidogaeth Wledig yn cynnig cyfle arbennig i fyfyrwyr fynd ar drywydd ymholiadau i’w prif bynciau eu hunain.
• Cefnogir y rhaglen gan gyfadran o ysgolheigion, a gydnabyddir yn rhyngwladol am eu hymchwil a’u cyhoeddiadau ym maes addysg seiliedig-ar-ffydd a chysylltiedig-â-chrefydd.
• Bydd angen i chi fynychu tair seminar breswyl yn ystod pob blwyddyn er mwyn cyflawni gofynion y rhaglen.
• Cynhelir seminarau preswyl yn Llyfrgell Gladstone, Penarlâg, gyda’r nod o ddarparu cyfleoedd ar gyfer trafodaethau beirniadol a chefnogol o’ch gwaith a’ch syniadau ar adegau allweddol yn y flwyddyn academaidd.   
• Mae gan Lyfrgell Gladstone gasgliad ardderchog o dros 250,000 o lyfrau, cyfnodolion a llyfrynnau ond yn arbenigo mewn Diwinyddiaeth ac Astudiaethau Fictorianaidd. Mae Prifysgol Glyndŵr yn cynnig ystod ar-lein eang o gyfnodolion ac adnoddau electronig.
• Bydd staff tiwtorial penodedig yn eich cefnogi rhwng seminarau ac fe’ch anogir i ddatblygu rhwydweithiau cefnogi-cydfyfyrwyr anffurfiol. Bydd y rhain yn galluogi’r rheiny sy’n gweithio ar broblemau cyffrelyb, neu’n defnyddio dulliau cyffelyb, i elwa o brofiad ac ymroddiad ei gilydd. 

Hyd y cwrs

Rhan-amser
Hyd at 6 mlynedd
Lleoliad: disgwylir i fyfyrwyr fynychu tair seminar breswyl y flwyddyn
Mis cychwyn: Medi

Cynnwys y cwrs

Mae hyblygrwydd mewnol y cwrs o ran cynnwys yn ogystal â’i gyflenwi yn golygu y gall ymateb i anghenion datblygiad proffesiynol amrywiol pobl sy’n gweithio mewn cyd-destunau seiliedig-ar-ffydd a chysylltiedig-â-chrefydd.   

Mae’r rhaglen gyfan wedi’i chynllunio i gwmpasu chwe blynedd o astudiaeth ran-amser, ac yn cynnwys y pwyntiau gadael canlynol:

• Blwyddyn 1 (ar ôl cwblhau dau fodiwl) yn arwain at Dystysgrif Uwchraddedig
• Blwyddyn 2 (ar ôl cwblhau dau fodiwl) yn arwain at Ddiploma Uwchraddedig
• Blwyddyn 3 (ar ôl cwblhau traethawd hir 18,000-gair) yn arwain at MA
• Blwyddyn 4 (modiwl Ymchwil a Chynnig, yn galluogi symud ymlaen at draethawd ymchwil)
• Blynyddoedd 5 a 6 (traethawd ymchwil 45,000-gair) yn arwain at DMin

Modiwlau’r cwrs

Mae’r modiwlau, y traethawd hir, a’r traethawd ymchwil i gyd yn canolbwyntio ar ddewis a chymhwyso methodolegau ymchwil priodol i edrych ar gwestiynau a holwyd gan y myfyrwyr sy’n berthnasol i’w cyd-destun gwaith eu hunain. Mae’r modiwlau sydd ar gael ym mlynyddoedd 1 a 2 yn darparu profiad yn y defnydd o fethodolegau ymchwil amrywiol, sydd yna’n cael eu datblygu ymhellach mewn astudiaethau mwy ym mlynyddoedd 3 i 6. Ym mlynyddedd 1 a 2, gallwch ddewis pedwar modiwl o blith yr opsiynau canlynol:

• Astudiaethau Ethnograffig mewn Crefydd ac Addysg
• Astudiaethau Cyfweld mewn Crefydd ac Addysg
• Astudiaethau Ansoddol mewn Crefydd ac Addysg
• Astudiaethau Hanesyddol mewn Crefydd ac Addysg
• Astudiaethau Athronyddol mewn Crefydd ac Addysg
• Astudiaethau Mesurol mewn Crefydd ac Addysg
• Astudiaethau Diwinyddol mewn Crefydd ac Addysg
• Astudiaethau Holiadur mewn Crefydd ac AddysgCyfleoedd gyrfa
• Astudiaethau Beiblaidd mewn Crefydd ac Addysg

Cyfleoedd gyrfa

Mae’r Ddoethuriaeth Broffesiynol yn cyfuno modiwlau a addysgir, seiliedig-ar-ymchwil gyda datblygiad eich gyrfa broffesiynol. Mae cwmpas y cwricwlwm yn eich galluogi i ymgymryd â, cymhwyso a datblygu ystod o agweddau ymchwil a methodolegol at eich arfer proffesiynol eich hun. Mae’n bwysig nodi ei bod wedi’i chynllunio hefyd i’ch darparu gyda chyfleoedd ar gyfer datblygiad proffesiynol a myfyrdod. Bydd disgwyl i chi arddangos eich gallu i ymgymryd ag ymchwil a chyhoeddiadau lefel broffesiynol a allai wneud cyfraniad gwreiddiol at wybodaeth ym maes arfer proffesiynol seiliedig-ar-ffydd a chysylltiedig-â-chrefydd.  

Gofynion mynediad

Yn ddelfrydol, bydd gennych radd a thair blynedd o brofiad proffesiynol mewn cyd-destunau seiliedig-ar-ffydd a chysylltiedig-â-chrefydd a ymgymerwyd yn y pum mlynedd blaenorol. Mae hyn yn cynnwys ymgysylltiadau lefel broffesiynol. Mae’n rhaid bod gennych fynediad i leoliad proffesiynol mewn maes sy’n briodol i’ch maes astudio. (Os nad oes gennych radd, ond â phrofiad helaeth a pherthnasol yn y weinidogaeth, mae’n bosib y gallwch wneud cais i hyn gael ei gydnabod fel cymhwyster mynediad ar gyfer y rhaglen.)     

Os oes gennych ymholiadau am y Ganolfan Astudiaethau Gweinidogaeth Wledig, cysylltwch i ddechrau â’r Parchedig Ganon Canon Jeremy Martineau. Naill ai ebostiwch yma neu ffoniwch 01348 874886.