Newyddiaduraeth

Mae’r cwrs yma yn bartneriaeth arloesol gyda’r grŵp papurau newydd rhanbarthol NWN Media sy’n cyfuno deuddydd yr wythnos o brofiad bywyd go iawn yn ystafelloedd newyddion papurau NWN Media gyda theori academaidd wedi’i darparu gan arbenigwyr y diwydiant ym Mhrifysgol Glyndŵr.

Byddwch yn cael cyfle i sefyll cyfres gyfan o arholiadau rhagarweiniol y Cyngor Cenedlaethol ar gyfer Hyfforddi Newyddiadurwyr gan gynnwys cyfraith y cyfryngau, ysgrifennu newyddion a materion cyhoeddus.   

Nodweddion arbennig

• Mae Prifysgol Glyndŵr a NWN Media wedi llwyddo i gael achrediad diwydiant ar gyfer y cwrs gan y Cyngor Cenedlaethol ar gyfer Hyfforddi Newyddiadurwyr.
• Bydd rhaglen strwythuredig o ymweliadau llys, cyngor a chyrff cyhoeddus o fewn y lleoliadau ystafell newyddion yn ychwanegu at y theori a gyflenwir ym Mhrifysgol Glyndŵr yn y modiwlau materion cyhoeddus, cyfraith y cyfryngau ac  ysgrifennu newyddion.
• Byddwch yn gallu cael gafael ar gyfleusterau argaffu, darlledu ac ar-lein i’ch darparu gyda sgiliau aml-gyfryngol.
• Mae ystod o siaradwyr diwydiant a pherthnasol yn rhoi cipolwg i chi ar y materion sy’n effeithio ar ddiwydiant y cyfryngau.
• Nid yn unig y byddwch yn cael gwybodaeth ddigonol i’ch galluogi i weithio fel newyddiadurwr/wraig, byddwch hefyd yn cael eich annog i ddatblygu arloesedd, creadigrwydd a hyblygrwydd mewn amgylchedd aml-gyfrynol cyflym. 

Cyfleoedd gyrfaol

Mae’r cwrs yma wedi’i gynllunio i’ch darparu gyda’r sgiliau, y wybodaeth a’r cymwysterau diwydiant sydd eu hangen arnoch i ddilyn gyrfa ym mhob agwedd ar newyddiaduraeth gan ganolbwyntio yn benodol ar newyddion print, ar-lein ac aml-gyfryngol.

Gwybodaeth am y cwrs

Tystysgrif Addysg Uwch mewn Newyddiaduraeth Print

Cynnwys y cwrs

Bydd y cwrs yma yn eich galluogi i feithrin sgiliau a thechnegol a fydd yn eich galluogi i fod yn newyddiadurwyr/wraig medrus. Trwy’r cwrs byddwch yn astudio cyfraith y cyfryngau a’r fframwaith cyfreithiol ar gyfer newyddiadurwyr a materion cyhoeddus a sut mae democratiaeth yn gweithio. Byddwch yn cael cyfle i greu portffolio newyddion wrth i chi ddechrau ymarfer eich sgiliau newyddiadurol trwy elfennau ymarferol y cwrs.

Tystysgrif Addysg Uwch mewn Newyddiaduraeth Print - Cwestiynau a holir yn aml

Cyfarfod y myfyriwr - Kate Forrester

Asesu

Mae pob modiwl yn gwneud defnydd helaeth o waith cwrs a dysgu seiliedig-ar-waith a fydd yn cael eu cyfuno mewn portffolio o waith fel asesiad cyfansymiol. Bydd y gwaith hwn yn cynnwys traethodau, adroddiadau, profion yn y dosbarth a gwaith ymarferol o leoliadau ystafell newyddion.

Bydd myfyrwyr yn cael y cyfle hefyd i sefyll arholiadau Diploma’r Cyngor Cenedlaethol ar gyfer Hyfforddi Newyddiadurwyr ac asesiadau gan gynnwys cyfraith y cyfryngau, materion cyhoeddus, ysgrifennu newyddion amlgyfryngol a newyddiaduraeth fideo ar-lein.

Gofynion mynediad

Mae’n rhaid i chi allu dangos fod y gallu a’r potensial gennych i lwyddo mewn gyrfa newyddiadurol trwy gael o leiaf 50% ym mhrawf cymhwyster y Cyngor Cenedlaethol ar gyfer Hyfforddi Newyddiadurwyr. 

Côd UCAS

Rhan-amser: gwnewch gais yn uniongyrchol

Hyd

Rhan-amser: Medi - Gorffennaf. Mae’r cwrs yn cynnwys deuddydd ar leoliad gwaith.

Ffioedd

Mae cost cymwysterau’r NCTJ yn gynwysedig yn ffi’r cwrs (£1,135 ar gyfer mynediad yn 2010/11). Bydd hyn yn cynnwys cyfraith y cyfryngau, materion cyhoeddus, gohebu, portffolio amlgyfryngol a newyddiaduraeth fideo ar-lein ynghyd â phedwar arholiad llaw-fer. Bydd yn rhaid talu am ailsefyll arholiadau neu am arholiadau llaw-fer ychwanegol eich hun.

Cronfa Amrywiaeth Newyddiadurol

Mae yna fwrsarïau ar gael trwy’r Gronfa Amrywiaeth Newyddiadurol i fyfyrwyr o gefndiroedd ethnig a chymdeithasol amrywiol sy’n dymuno hyfforddi fel newyddiadurwyr. Am fwy o wybodaeth neu i wneud cais, ewch i  www.journalismdiversityfund.com

Cysylltu

Am fwy o wybodaeth am y cwrs yma, cysylltwch ag arweinydd y rhaglen Janet Jones trwy ebostio j.m.jones@glyndwr.ac.uk. Bydd yn gallu rhoi gwybodaeth bellach i chi am y Dystysgrif AU mewn Newyddiaduraeth Brint, gan gynnwys atebion i rai o’r cwestiynau mwyaf cyffredin y gallai darpar fyfyrwyr eu holi am y cwrs.

Mae Janet Jones yn newyddiadurwraig brofiadol a ymunodd â Phrifysgol Glyndŵr o’r Express & Star, papur newydd rhanbarthol mwyaf y DU, ble bu’n ddarlithydd yn ysgol newyddiaduraeth y cwmni. Mae’n brif arholydd a chadeirydd bwrdd arholi materion cyhoeddus yr NCTJ.

O 2012, ein gofynion academaidd cyffredinol ar gyfer gradd anrhydedd fydd 240 pwynt UCAS, a 120 pwynt UCAS ar gyfer gradd sylfaen. Os nad yw’r pwyntiau sydd eu hangen gennych, bydd eich cais yn dal i gael ei ystyried. Rydym yn croesawu ymgeiswyr o gefndiroedd amrywiol a chydag ystod o brofiadau.