Hyfforddi Chwaraeon

BSc (Anrh) Hyfforddi Chwaraeon

Amcan y radd hyfforddi yw datblygu cenhedlaeth o hyfforddwyr sy’n meddu ar y sgiliau hyfforddi i wella perfformiad yr athletwyr a’r timau y maent yn gweithio gyda nhw, tra ar yr un pryd yn datblygu’r sgiliau ymarferydd sy’n ofynnol i reoli’r amgylchedd chwaraeon.

Mae’r radd hon yn datblygu eich gallu i hyfforddi ar bob lefel; o lefel gymunedol i lefel elitaidd. Amlinellwyd y sgiliau y byddwch yn eu harchwilio a’u hymarfer yn ystod y cwrs gradd gan Sports Coach UK a Llywodraeth Cynulliad Cymru fel rhai sy’n hanfodol er mwyn cynyddu lefel ac ansawdd hyfforddwyr chwaraeon a byddant yn chwarae rhan dyngedfennol yn natblygiad pobl ifanc a’u cyfranogiad mewn chwaraeon.

Bydd y radd hyfforddi chwaraeon yn eich darparu i gyflawni yr hyn a welir fel rolau hanfodol o fewn cymunedau lleol a chyrff cenedlaethol, o ran hybu chwaraeon a ffordd o fyw iach a heini, gan hynny yn darparu cysylltiad gwerthfawr gydag ysgolion, colegau, clybiau a chymunedau.

Ffeithiau allweddol

• Cyfleoedd i gael profiad hyfforddi a chymwysedig yn gweithio gydag unigolion a thimau mewn amrywiaeth o leoliadau perfformio yn amrywio o’r sylfaenol i’r elitaidd
• Cyfleusterau chwaraeon rhagorol gan gynnwys cae astroturf sylfaen-dwˆ r rhyngwladol, cae pêl-droed ac arwyneb chwarae sylfaen-tywod maint llawn, neuadd chwaraeon a balconi, stiwdio ddawns a chyfleusterau profi gwyddor chwaraeon o ansawdd uchel gan gynnwys labordy perfformiad dynol
• Mae yna gyfleusterau chwaraeon elitaidd o fewn cyrraedd i’r campws ar droed ac yn cynnwys canolfan dennis, trac athletau rhyngwladol a chlwb pêl-droed y dref
• Mae yna wobrau hyfforddi ac ystod o gymwysterau proffesiynol y gallech eu cael yn ystod eich astudiaethau
• Yn Arolwg Myfyrwyr Cenedlaethol 2009, pleidleisiodd ein myfyrwyr blwyddyn olaf 100% o foddhad gyda’u cwrs; gan ein gwneud y gorau yn y wlad*
• Cyflenwir y cwrs gan diwtoriaid brwdfrydig a hyddysg sy’n addysgu o fewn amgylchedd addysg grymusol. Mae’r darlithoedd yn ymchwil weithredol, sy’n golygu fod y cwricwlwm yn gyfredol ac yn berthnasol
• Mae cefnogaeth diwtorial ar gael trwy gyfrwng y Gymraeg
• Mae gan Brifysgol Glyndwˆ r raglen wobrwyo ysgoloriaethau a bwrsarïau chwaraeon ar gyfer athletwyr dawnus
• Mae gennym Labordy Perfformiad Dynol sydd ag offer tra modern – gweler y wefan am fwy o wybodaeth

Cynnwys nodweddiadol y cwrs:

Yn ystod y cwrs byddwch yn cwmpasu dadansoddi, seicoleg chwaraeon a chymdeithaseg, goreuon chwaraeon hyfforddi, ffisioleg chwaraeon ac arferion a gweithdrefnau hyfforddi. Wrth i chi symud ymlaen trwy’r cwrs byddwch yn gallu dewis modiwlau sy’n adlewyrchu eich diddordebau.

Cyfleoedd gyrfa

Mae’r radd yma wedi ei hanelu at fyfyrwyr sydd yn benodol eisiau mynd ar drywydd gyrfa o fewn maes hyfforddi chwaraeon, sy’n cynnwys gweithio i awdurdod lleol, corff llywodraethu chwaraeon neu o fewn y sector addysg. Yn dibynnu ar eich dewisiadau opsiwn, byddwch hefyd yn cael sgiliau i fynd ar drywydd gyrfa o fewn y lluoedd arfog fel hyfforddwr ymarfer corff, addysgwr hyfforddiant chwaraeon neu ddatblygiad chwaraeon (canolbwyntio ar hyfforddi). Gallech hefyd ddewis symud ymlaen i Dystysgrif Addysg Uwchraddedig neu gwrs meistr.