Astudiaethau’r Sgrîn
BA (Anrh) Darlledu, Newyddiaduraeth ac Astudiaethau’r Sgrîn
Pam dewis Astudiaethau’r Sgrîn?
Os ydych yn cynllunio gyrfa sy’n gysylltiedig â’r cyfryngau neu os oes gennych chi ddiddordeb yn yr amgylchedd wedi’i drwytho yn y cyfryngau yr ydym yn byw ynddo, ni fu erioed mor bwysig bod â dealltwriaeth ddeallus o fyd y cyfryngau. Mae’r cwrs gradd yma yn cwmpasu ystod amrywiol o bynciau cyfryngol, o hanes propaganda gwleidyddol i ffilmiau Hollywood ôl-fodernaidd, o greu realiti mewn newyddion teledu cyfredol i gynrychiolaeth rhyw (gender) a rhywioldeb mewn hysbysebion cylchgronau. Mae’r cwrs wedi’i gynllunio nid yn unig i’ch helpu chi i ddatblygu dealltwriaeth o gysyniadau academaidd ac agweddau damcaniaethol, ond hefyd i feithrin sgiliau allweddol dadansoddi, dehongli a chyfathrebu.
Nodweddion arbennig
- Ystod hynod o ddiddorol a llawn her o bynciau yn amrywio o destunau print, teledu a ffilm traddodiadol i brofiadau ar-lein yn y bydysawd digidol.
- Ystyriaeth helaeth o’r ‘sgrîn fawr’ gyda phwyslais arbennig ar genres Hollywood a’r diwydiant ffilm cyfredol.
- Mae gan fyfyrwyr fynediad i’r BFI Mediatheque yn Llyfrgell Wrecsam ar ei newydd wedd yng nghanol y dref. Mae’r adran yn cynnig dros 1500 o raglenni teledu a ffilmiau cyfan o Archif Genedlaethol y BFI (Sefydliad Ffilm Prydain) ac Archif Genedlaethol Sgrîn a Sain Cymru.
Cyfleoedd gyrfaol
Fel graddedig Astudiaethau’r Sgrîn bydd gennych y wybodaeth academaidd a’r nodweddion personol y mae cyflogwyr yn chwilio amdanynt gan gynnwys sgiliau meddwl beirniadol a dadansoddol, gallu ymchwilio, doniau cyfathrebu a rhyngbersonol clir, hunan-ysgogiad ac arbenigedd mewn defnyddio technoleg gwybodaeth fodern. Mae llawer o raddedigon yn penderfynu parhau â’u hastudiaethau i lefel uwchraddedig tra bod eraill yn cymryd mantais o gyfleoedd gyrfaol mewn newyddiaduraeth, darlledu, cysylltiadau cyhoeddus, marchnata, llywodraeth leol a chanolog neu reolaeth.